Социјала

Хрватска: Ивица Худуровиќ – затвореник Ром, докажа дека келијата во Лепоглава е премала

Беше сместен во келија од 5.5 м2 со уште двајца затвореници , додкеа европскиот стандард е најмалку 3м2 по особа.

Уставниот суд утврди дека на Ивица Худуровиќ (62) му беа повредени човековите права затоа што условите во кој беше сместен за време на издржување затворска казна од девет години и 11 месеци беа под секој минимум.

Худуровиќ е осуден за обид на изнуда од 40 илјади куни (нешто повече од 5.000 евра ) лажно преставувајјќи се како Врховен судија на некои граѓани Тој иначе се пожалил до Уставниот суд дека во Лепоглава каде беше од февруари 2012 година па се до март 2018 , за потоа да биде префрлен во затворот во Госпиќ , затоа што немаше келија по прописна големина.

Худуровиќ се жалеше дека неговата келија не е по законски стандарди и дека му беше ускратена здравствената заштита затоа што имаше проблеми со видот поради слабото осветлување во келијата. Исто така се пожалил дека има болки на карлицата и дека сето тоа е само затоа дека е Ром, и дека како и сите останати Роми беше дискриминиран затоа што им беше ускратено правото на работа и стручна правна помош.

Link: https://www.vecernji.hr/vijesti/zatvorenik-dokazao-da-mu-je-celija-u-lepoglavi-bila-premala-1386878

Лариса, Грција: Тестовите за Ковид-19 треба да се извршат во ромските населби

Единаесет ромски населби на подрачјето на Тесалија ќе бидат подложени на ригорозни инспекции почнувајќи оваа недела да ги лоцираат и содржат можнита појава на коронавирус, е заклучок во вторникот за време на состанокот на здравствени и локални власти.

Одлуката за спроведување на широко тестирање врз жителите во ромските населби во централниот дел на грчкиот регион, дојде кога регионалниот гувернер на Тесалија, Костас Агорастос, се состана со експерти за здравствени и вирусни заболувања, вклучувајќи ги и раководителите на двете локални болници.

Средбата уследи откако десетици жители во населбата во Неа Смирни во предградието на градот Лариса беа позитивни на овој вирус минатата недела и беа ставени во карантин.

Здравствените службеници сè повеќе се загрижени на оваа појава во овие населби, каде жителите живеат во тешки услови и можеби немаат пристап до основни санитарни мерки.

Инспекциите ќе ги вршат екипи формирани од Националната организација за јавно здравје (EODY).

Link: https://www.ekathimerini.com/251683/article/ekathimerini/news/covid-19-tests-to-be-carried-out-at-roma-settlements?fbclid=IwAR1ur6zVsEPCDjLzNLZXbGGS5kmirYv8L1Hbek74gpk-6ioEbo_0lFDNPew

Дали протестите и немирите во Ченто имаат политичка заднина?

Настанот кој се случи пред два дена во Ченто има политичка позадина и МВР е решено да постапува неселективно во однос на сите што поттикнуваат или не го почитуваат полицискиот час, изјави вчера на прес-конференција, министерот за внатрешни работи Наќе Чулев.

Тој подетално се осврна на протестот на стотина граѓани од скопско Ченто, кои за време на полицискиот час се собраа да протестираат против приведувањето на три лица, кои, според полицијата, не ја почитувале одлуката за ограничено движење донесена како мерка за заштита од коронавирусот.

„Политичката позадина не го оправдува ова поведение и зборува за тендензиозно загрозување на граѓаните предизвикано од политички побуди. Граѓаните свесно се изложија себеси на ризик што може сите нас скапо да не чини“, изјави Чулев.

Просветните инспектори да излезат од канцелариите и да ги идентификуваат децата Роми што не одат на училиште

Основното и средното образование во Македонија се задолжителни од 2008 година, но бројот на деца, пред се Роми, кои не посетуваат настава покажува дека оваа уредба од Законот за образование не се имплементира.

За жал, нема званична статистика од надлежното Министерство за образование колку навистина изнесува бројката на деца кои се надвор од училиштата, затоа што таа секојдневно е динамична и се менува.

Мора да се напомене дека семејствата добиваа и условни парични надоместоци за секое дете вклучено во основно и средно образование преку МТСП, како дополнителна стимулација и мотивација. Но сепак околу 5 – 10% на деца Роми се надвор од образовниот процес.

Потребни се системски решенија во однос на исклученоста на децата Роми од системот на образование. Сигурно е дека нема дете што не сака да оди во училиште, но дали тие деца имаат иста стартна позиција и можности како што имаат другите деца кои не се Роми.

Треба да се земе предвид социо-економскиот статус на Ромите, кои години наназад живееат во сиромаштија, невработеноста кај истите директно влијае на поддршка на нивните деца во образованието и исклученоста на истите од образовниот процес.