Четириесет и осумгодишната Сеаре од Шуто Оризари, е оставена на милост и немилост односно без лекарска грижа, во катастрофална здравствена состојба поврзана со нејзиното гинеколошко здравје, а за тоа институциите на системот се и неми и глуви. Сеаре покрај тоа што има гинеколошки проблеми и е суспектна дека има канцер на матката, исто така е и пациентка на дијализа и трипати ндеделно треба да оди на прочистување на крвта. Меѓутоа, пред десетина дена, возачот едноставно решил да не ја земе од дома и да не ја носи на дијализа, зашто „многу смрдела“ и другите пациенти кои се возеле во истото организирано комбе, се пожалиле. Згора на се, жената нема ниту лични документи, живее во екстремна сиромаштија во една полупразна соба во делот од Шуто Оризари наречен „гето“ до дивата депонија, нема огрев, струја, храна, лекарства ниту лекарска грижа!

„Слободен печат“ контактираше со невладината организација Иницијатива за правата на жените во Шуто Оризари, која претставува единствената невладина организација која што било што направила за болната, изнемоштена и здравствено незгрижена Сеаре.

Директорката на организацијата, Салија Бекир Халим за „Слободен печат“ вели дека Сеаре во моментот се наоѓа дома во Шуто Оризари и не е згрижена во ниту една здравствена институција. Да биде трагедијата уште поголема, две деца на жената и починале.

Живее во многу неповолни услови и во екстремна сиромаштија. Во една мала собичка, донирана од лица кои живеат во странство. Нема ниту огрев, ниту ништо. Се обидуваме да добиеме лекарски извештај и да може да ја сместиме во институција за палијативна грижа, но за тоа некој треба да ги покрие трошоците. Сите се оградуваат. Миризбата не е од неодржување на хигиена, туку од гној и од што нема кој да ја третира. Ние купивме антибиотици, некои лекарства за кратко време, меѓутоа институционално треба да се реши нејзината состојба, вели Бекир Халим.

Единствената здравствена институција која што сработела нешто досега за Сеаре е Клиниката за гинекологија во комплексот клиники Мајка Тереза во Скопје. Таму Сеаре била однесена со приватна брза помош, повторно платена од невладината организација, каде што и е кажано дека можеби има канцер на матката но дека се потребни дополнителни испитувања. И после овој преглед, таа е пуштена дома, дополнителни прегледи не се прават, таа е упатена да седи во болка и здравствено незгрижена во Шуто Оризари.

Откако и беа извршени прегледите, специјалистот ни кажа дека се претпоставува дека се работи за карцином на грлото на матката во напреден стадиум за кој се потребни подетални испитувања, за да се утврди за кој вид карцином се работи. И беше препишана домашна терапија која ние ја обезбедивме а после сите прегледи кои и беа извршени, Сеаре ја вративме со амбулантното возило дома. Контактиравме со Центарот за дијализа каде што им ја објаснивме целата ситуација за Сеаре а од таму се согласија да продолжат со нејзиното лекување, велат од Иницијатива на жени од Шуто Оризари, од каде додаваат дека оваа жена е само еден од случаите кои завршуваат на ваков начин поради немањето матичен гинеколог во Шуто Оризари.

За некој ден, Сеаре ќе нема ниту лекови, ниту храна, а за огрев не станува ниту збор. Невладината организација Иницијатива за права на жените ќе стапи во контакт и со Центарот за социјални работи во Скопје за да се направи напор, жената да биде сместена на Геријатрија во Скопје, единствената здравствена институција од каде понудиле помош, но повторно за таа хоспитализација потребен е лекарски извештај кој уште го нема.

Во меѓувреме Сеаре вреска од болка десет дена во студената соба во Шуто Оризари каде што живее и е здравствено и психички срушена. Со оглед на тоа што Сеаре нема лични документи, не може да се отвори за неа трансакциска сметка за донации, па од невладината организација апелираат доколку граѓани сакаат да донираат за жената, тоа да го сторат лично во просториите на невладината, на улица Индира Ганди број 50.

Најмногу и се потребни огрев, храна, хигиенски призводи и лекови. Според Центарот за социјални работи, Сеаре се води како бездомно лице зашто живее во дивоградба. Исто така таа не е корисник на ниту едно социјално право.

Link: https://www.slobodenpecat.mk/zhena-od-shuto-orizari-so-kancer-na-matka-i-gnoj-ne-ja-nosele-na-dijaliza-poradi-neprijatniot-miris/?fbclid=IwAR0QYZBMPiZt0imt6wir7yC-Hqf1Mv4vO9hLCxY5EkJ8fwlS1iV3qXmn-NE

Македонија во минатото беше земја лидер за вклученост на Ромите. Првиот ромски пратеник во Европа беше Абди Фаик, градоначалникот и министер Неждет Мустафа Ром. И земјата се гордееше со нив и на сите европски средби се китеше со тој гест на еднаква вклученост на Ромите во политиката и власта.

Текстот е во насока да се овозможи континуитет на добрите политики на претходните влади. СДСМ по својата идеологија е про-малцинска партија па така сега требаше да овозможат реализација на ова барање на ромската заедница.

Со вклученоста на Ромите во новата Влада, Македонија можеше да смета на докажани експерти од областа на ЕУ интеграција, меѓународни односи, дипломатија, човекови права, застапување на работи што се битни за надворешниот имиџ на државата. Во ромската заедница има и добри познавачи на културата, здравството, социјалните права или економијата.

Ромите се подготвени да и помогнат на државата, а прашање е колку СДСМ и коалицијата се докажаа дека имаат реформски и прогресивни размислувања за делување?

Но по се изгледа дека Македонија , а вклучувајќи го тука и претседателот на новата Влада потребно е да ја преиспита својата одлука по однос на распределбата на функциите во државата.

Ромската заедница се надеваше дека во предвидените планови за инклузија на Ромите во општеството и во јавните институции, се предвидуваше и назначување на Роми/ки на раководни функции во државните институции кои се од витално значење за унапредување на положбата на Ромите во Република Северна Македонија.

Во однос на замениците министри, 9 се Албанци, 6 Македонци и 2 Турци се на листата кои ги предлага владата, а треба да бидат избрани од ова Собрание.

Меѓу т. н. втор политички ешалон нема место за ниту еден Ром, Србин, Бошњак, Влав или од другите помали заедници иако тие реално претставуваат 7% од населението во Македонија.

Мој впечаток е дека државата го одбра патот да ги понижува Ромите, со одлука да нема ниту зам.министер Ром. Можеби перцепцијата ми е лоша. Ако е лоша и неточна – Господо Ви се извинувам!