Симеон Атанасов, едно од децата кои ги одгледа легендарната Есма Реџепова, и кој до крајот на нејзиниот живот и беше менаџер, заедно со ,,Есмас бенд” настапи на фестивал во Цирих, Швајцарија. Вели дека по кој знае кој пат, повторно се докажало дека кралицата на Ромската песна, Есма, е многу повеќе ценета и почитувана надвор од нашата земја. Во нејзина чест, фестивалот на Ромски песни на кој што настапиле, во иднина ќе го носел нејзиното име.
-На 13 – от Џипси Фестивал кој се одржа во Цирих, настапи и ,,Есмас бенд”. Традицијата продолжува. На манифестацијата каде Есма беше честа гостинка, сега продолжуваме со учество ние, нејзините музички наследници. Нашиот пријател Кристијан Фоцх не покани да настапиме со неколку песни и така да ги потсетиме сите обожаватели на музиката на нашата Мајка Есма. Публиката беше воодушевена, не пречекаа и испратија со овации. Очигледно е дека песните на Есма оставија траг кој не може да се избрише, таа живее во срцата на нејзините почитувачи низ целиот свет – раскажува Симеон за ,,Фокус”.
Тој додава дека со бендот се подготвуваат за турнеја низ Европа. Вокалистка во „Есмас бенд” е младата Елеонора Мустафова, единственото девојче кое го одгледа Есма.
-Оваа соработка не завршува тука, во план е да се организира цела турнеја на овој фестивал низ цела Европа. Настапуваат музички групи од Шпанија, Индија, Бугарија, Швајцарија, а она што е многу важно е тоа што фестивалот ќе се преименува во ,,Есма фест”. Ова е уште еден доказ дека странците ја почитуваат многу повеќе нашата мајка – изјави Атанасов.
Есма Реџепова почина во декември 2016 година, по кратко боледување. За време на својот живот одгледала 47 деца и им го пренела музичкиот занает. Беше голема хуманитарка и дури два пати номинирана за Нобелова награда за мир. Еднаш во 1987 година, како кандидат на Црвениот крст на Југославија, а подоцна како адут на Светската организација на Ромите, со поддршка на 76 невладини организации и лајонс-клубовите во земјава.

Link: https://fokus.mk/festival-vo-shvajtsarija-ke-go-nosi-imeto-na-redhepova-strantsite-ushte-ednash-dokazhaa-deka-mnogu-poveke-ja-pochituvaat-esma/?fbclid=IwAR2mUx5g6Uh1C9nj0gBcN77Ri3W_3CXAP3_5jdB_BikciXNorspZ0lLvYV4

Во свечена атмосфера и пред присутните гости во Кинотека на Македонија во Скопје, се одржа церемонијалот на доделување на наградите за најуспешните на овогодишниот 17-ти по ред Интернационален Ромски Филмски Фестивал „Златно Тркало 2019„.
Целиот фестивал беше во организација на СП БТР Продукција.

Фестивалското жири оваа година се одлучи во конкуренција од селектираните 18 филмови кои беа во дводневната програма на прикажување како севкупен победник и наградата Гранд при ја додели на филмот „ Страница на мојата книга„ во режија на Гајља Стојанева од Бугарија.

Исто така фестивалското жири додели и други награди и плакети. Овогодишни добитници се: Придонес во ромската стратегија - „ Моето образование денес - за подобро утре„ за Roma Resource Center - RRC - Скопје, Најдобра музика за „Ние сме промената„ за НРЦ - Куманово, за најдобро сценарио „Деца и сиромаштијата„ за „ Продукција - 3 PIX Media - Скопје, за најдобра режија за филмот „Надвор од кругот - невидливи во општеството„ за Иницијатива за социјална промена – InSoK, Скопје, како најдобар документарен филм е прогласен „ Са е Рома„ во режија на Даниел Петровски и како специјална награда од стручното жири за документарецот „Весел е ромскиот живот по сценарио и режија на Људмила Живкова од Бугарија.

Во рамките на фестивалот беа доделени и повеќе плакети и благодарници за повеќе правни фактори кои придонесоа за успешна реализација на овој фестивал, како и три дипломи награди за децата кои изработија едноминутни видеа.

При самиот крај организаторот на фестивалот Зоран Димов пред присутните гости ги потсети во врска со последниот минатогодишен продукт „Локални херои„ учествуваше на над 20 филмски фестивали надвор од државата и беше награден со повеќе награди, и воедно го најави следниот проект кој треба да се реализира а тоа е документарецот за историјата на Ромите „Небо - Точак- Земја„

Да се напомене дека и овогодинешното издание на Златно тркало финасиски беше подржан од Филмскиот Фонд на Р.Северна Македониа.