Социјала

Помош за социјално загрозените Роми од Гостивар, Кичево и Дебар

Социјално загрозените семејства, занаетчии и сопственици на мали претпријатија во Гостивар ќе добијат финансиска и материјална помош преку проектот што го спроведува Care International со финансиска подршка од германското министерство за надворешни работи. Петнаесет бизниси ќе бидат подржани со ваучери, повеќе семејства ќе добијат пакети со лекарства, прехрамбени пакети и хигиенски продукти.
Преставниците на проектот имаа средба со локалната самоуправа која го презентираше проектот, и плановите за негова реализација.
Љуарза Мухади координатор на проектот рече дека освен во Гостивар проектот ќе се проведе и во Кичево и Дебар. Како што напомена со овој проект треба да се олесни тешката економска состојбакоја дојде како резултат од пандемијата. Проектот ќе трае до крајот на годината и е во вредност од 40.000 евра.
Мухамед Точи од Хуманитарното здруженије „Месечина„ од Гостивар посочи дека проектот има четри групи, односно пакети. Со нив ќе бидат опфатени семејства и 15 локални бизниси . Акцентот ќе биде ставен на ромското население и други маргинализирани групи.Помошта е поделена во четри групи, односно пакети. Првиот пакет се состои од хигиенски артикли во вредност од 20 евра, и ќе бидат опфатени 250 семејства од Гостивар, Кичево и Дебар. Вториот пакет е составен од прехрамбени пакети и ќе опфати 45 семејства. Третиот пакет е со лекови и ќе опфаќа 40 семејства. Четвртиот пакет се однесува на 15 локални бизниси и компании кој соджи ваулер во вредност од по 500 евра. Во вој проект ќе бидат ангажирани околу 50 волонтери.

Европскиот комесар за еднаквост Хелена Дали со писмо до претседателот на ИРУ Зоран Димов: „ Ја цениме работата на ИРУ„

Деновиве до Кабионетот на ИРУ адресирано до Претседателот на ИРУ Зоран Димов пристигна писмо од страна на Европскиот комесар за еднаквост Хелена Дали каде меѓудругото се вели:
„Почитуван г-дин Димов, ви благодарам за писмото во име на Интернационалната Ромска Унија - ИРУ. Ние како Европска комисија го цени дијалогот и соработката со граѓанското општество. Ја цениме работата на ИРУ и нејзиното активно вклучување во прашањата што се однесуваат на Ромите. Сакам да ве уверам дека Комисијата го промовира учеството на Ромите во креирањето политики на локално, национално и ниво на ЕУ и исто така ја истакна нејзината важност во новата стратешка рамка на Ромите на ЕУ. Граѓанските организации предводени од Ромите, вклучително и ИРУ, се особено важни актери во нашата работа во однос на еднаквоста, вклученоста и учеството на Ромите. Европската комисија обезбедува простор и вистински платформи за дијалог и конструктивни дискусии за вклучување на Ромите со членовите на граѓанските општества кои градат сојузи и доверливи партнерства. За да се направат долготрајни позитивни промени за Ромите, ЕУ и меѓународните организации, земјите-членки, граѓанските организации, академските институции, Ромите и општеството во целина мора да работат заедно, учејќи се и поддржувајќи се едни со други. Се радувам на нашата постојана соработка со вас и другите ромски и про-ромски граѓански организации за изградба на здраво и одржливо социјално опкружување и за промовирање на еднаквоста, вклученоста и учеството на Ромите низ цела Европа. Со почит, Хелена Дали„ се вели во писмото на Европскиот комесар за еднаквост Хелена Дали.

17-ти Ромски театарски фестивал „ Garavde Muja„

Во организација на асоцијацијата „Романо Ило“ од Скопје, а под покровителство на Министерството за култура, од 16 до 19 октомври ќе се организира ромска театарска манифестација, во која ќе се презентираат девет премиери и една бонус претстава од 1989 година. Во програмата на фестивалот учествуваат театарски екипи од Северна Македонија, Србија, Косово, Романија и од Германија. Покрај театарските ансамбли од наведените земји, своја монодрама ќе презентира и светската ромска фолмска актерка Алина Сербан, позната по филмот Gipsy Queen.
Исто така, на годинешното издание на фестивалот ќе учествува и Неџо Осман со претставата „Рукели“. Познати режисери што ќе учествуваат на фестивалот се Нада Кокотовиќ од театарот ТКО, Жоро Иванов од Бугарија, Џевдед Дода од Косово и Михаел Лукас од Романија и други. Како консултант на фестивалот се појавува името на култниот режисер од театарот „Пралипе Рахим Бурхан“ од Германија
Поради пандемијата на Ковид-19, годинешното издание ќе биде во комбинирана форма. Некои од претставите ќе се прикажат преку онлајн-платформата romanoilo.mk-garavdemuja и на интернет-страницата на порталот „24 вакти“. Во живо ќе се емитуваат три театарски претстави во градот Скопје и градот Штип со ограничен број публика, не повеќе од 50 луѓе на отворен простор, во согласност со протоколите од страна на Министерството за здравство. На 17 октомври – Сабота во стариот магацин на Славија со почеток од 18:30 ќе биде изведена преставата „Злосторникот„ според сценариото на Даниел Петровски.
Целта на фестивалот е да се мотивираат младите Роми да создаваат уметнички театарски дела. Интенцијата на фестивалот е да ја поттикне младата ромска популација активно да се вклучи во театарската уметност, која треба да служи како алатка за адресирање на проблемите со кои се соочува ромската популација.

Порто, Португалија: Португалски трговци користеле керамички жаби за да ги „исплашат“ Ромите

Опкружен со корпи со портокали и мандарини, светло зелена керамичка жаба стои на влезот од продавницата за храна на Хелена Консеикао.
„Сите имаат жаби тука“, рече таа. „Тоа е да ги исплашиме Ромите затоа што тие се плашат од жаби“. Слични украси се поставени на влезот на продавници, кафулиња и ресторани низ цела Португалија. „Никој не сака да има Роми наоколу“, рече Консеикао.
Таа објасни дека е свесна дека португалскиот закон забранува дискриминација, „но јас не сум принуден да трпам луѓе што крадат и прават проблеми“.
Десет дуќанџии во Порто признаа дека користеле керамички жаби за да ги одвратат Ромите да не влегуваат во нивните продавници. Само Консеикао се согласи да оди на рекорд. Другите, скришно, објасниле дека жабите требале да им покажат на Ромите дека „ не се добредојдени“, користејќи јазик со длабоко вкоренети предрасуди и расни навреди. Ромските заедници пристигнаа во Португалија во 15 век, но беа признати како граѓани само во 1822 година.
Прогонувани со векови и подложени на репресивни закони, тие остануваат едно од најдискриминираните малцинства во земјата. Истражувањето спроведено од Агенцијата за основни права на Европската унија (ФРА) во 2016 година покажа дека 71 процент од португалските Роми претрпеле епизода на дискриминација во претходните пет години.
Според студијата, Ромите продолжуваат да се соочуваат со „неподносливо ниво на дискриминација“ и нееднаков пристап до услугите. Исто така, во 2016 година, Гил беше еден од 18-те Роми од различни делови на земјата кои учествуваа во кампања насочена кон подигнување на свеста за дискриминацијата со „керамички жаби„.

Link: https://www.aljazeera.com/features/2019/2/4/portuguese-shopkeepers-using-ceramic-frogs-to-scare-away-roma