Социјала

ЕУ: Не се успеа со рамноправноста на Ромите

Досегашната стратегија на Европската унија за интеграција на нејзиното најголемо етничко малцинство, Синти и Роми, односно луѓе со ромско потекло - не успеа. По десет години специјална политика за Ромите, ресорната еврокомесарка за европски вредности, Вера Јурова, неделава извлече депримирачки биланс. „Искрено, во изминативе десет години не направивме доволно“, рече Јурова во Брисел. Трајната дискриминација на 6,3 милиони Роми во земјите членки на ЕУ е грда лузна на европската совест, вели Јурова. Ова сега треба да се промени, најави еврокомесарката. Со нов десетгодишен план властите во Брисел сакаат да ги натераат земјите членки да им овозможат и на Синтите и Ромите исти услови за живот, образование и права како и за останатите граѓани.
Притоа, во фокусот веќе не е „интеграција“, туку „инклузија" и еднакво учество на Ромите, се вели во стратешкиот документ на Европската комисија. Под терминот „Роми“ ЕУ ги опфаќа сите групи како Роми, Синти, патувачи и други.
Антициганизмот е посебна форма на расизам и омраза која е сè уште прифатена во многу европски општества, обвинува еврокомесарката за еднаквост, Хелена Дали, која ја претстави новата иницијатива во Брисел.
Криминализација и маргинализација на Ромите не смее веќе да се случува. На пример, 52% од сите Французи се чувствуваат крајно непријатно во соседство на Роми или патници Ова го покажа студијата на Европската Агенција за основни права и слободи.
Еврокомесарката Јурова раскажува дека при посети во словачки села со Роми била потресена бидејќи многу луѓе немаат пристап до тоалет, ниту до вода.
Се бара членките законски да бидат обврзани за спроведување на стратегијата. Еврокомесарките не отидоа толку далеку. И во следните десет години се упатени на добрата волја на членките на ЕУ. Во стратегијата за Ромите треба да бидат дефинирани само „минимални цели”. Ако членките не ги постигнат, не се предвидени санкции.

Македонија: Во велешките градинки од оваа есен ќе бидат згрижени само десет деца Роми од социјално ранливи семејства

Проектот за згрижување деца во градинка од ромска националност кои се од социјално ранливи семејства во градинките во Велес продолжува и оваа учебна 2020/21 година, а се реализира во соработка со Општина Велес и Министерството за труд и социјална политика.
Во моментот, како што појасни таа, работат на тоа да ги најдат децата кои ги исполнуваат сите овие критериуми, а и се од социјално ранливи семејства.
Информира дека сите девет градинки од кои шест во Велес и по една во Караслари, Градско и Чашка согласно протоколите за згрижување е вкупно 723 деца. Од нив, бројот на пријавени деца кои во моментов имаат потреба за згрижување е 546 деца. Вкупно, како што соопшти, 414 дечиња дневно доаѓаат во сите девет објекти.
Прашана дали освен овие може да се запишат и нови деца во градинка, Велиновска рече дека се земаат приоритетите по основ на двајца родители вработени и на самохрани родители, а кои според неа комплетно се згрижени во градинка.

Европа и дава пари на Бугарската полиција да ги „дисциплинира„ Ромите, а не дава за безнадежните Роми од Војводиново

На фотографијата се гледа баба со своите внуци! Тоа не се бегалци или мигранти. Тоа се Бугарски државјани – Роми, кој се протерани од својот дом во Војводиново.
Тие според министерот за одбрана Красимир Каракачанов, се непријатели број 1 во Бугарија. Ромите од Војводиново биле закана за Бугарија.
Настанот од 8 Јануари 2019 двајца според Каракачанов „Цигани„ претепале полицаец –специјалец под неразјаснети причини. И веднаш Каракачанов одреди колективна казна за сите Роми да се протерат од Војводиново. Генералот Шивиков донел цел одред да се спроведе акцијата против тие Роми од Војводиново.
И покрај реакциите на меѓународната јавност, и од Невладиниот сектор , до ден денешен ( после 20 месеци) Каракачанов не е гонет и внимателно го чуваат и обвинителството и комисијата за заштита на дискриминацијата, иако има доволно членови во Кодексот на кривичен кодекс, по кој можеше да биде суден.
Затоа, во 2019 година, се протестираше во Софија, Брисел, Гент, Хаг, Скарбек, Кобленц, Пилсен цели 3 месеци, да се заштитат овие луѓе од Војводиново и Ромите во Бугарија .
Потребна е голема политичка храброст и одговорност да се зборува за ова прашање.
И од 2019 јануари доаѓаме до октомври 2020 година, кога дел од бугарските европратеници гласаат да го испуштат текстот во Резолуцијата за Бугарија, која изразува:
- жалење за атмосферата на непријателство на Ромите во Бугарија
- жалење на народот насилно протеран од своите домови како резултат на протестите во Војводиново
- повик за укинување на образовната сегрегација на ромските деца
- повик за прекин на зборот омраза и дискриминација на Ромите во врска со пандемијата Ковид-19, за време на која беа затворени само ромските населби во Бугарија со жандармерија и полиција
17-те бугарски европратеници во Брисел молчат за какви било прашања поврзани со ромската тема и кога еден од нив Џамбазки ги напаѓа Ромите, други тивко солидарни со тоа, иако јавно повикаа петиција од бугарските граѓани да се разликуваат од овој човек.
9 од овие 17 европратеници отворено застанаа против Ромите на гласањето во Брисел и ги поддржаа акциите на Каракачанов во Војводиново во јануари 2019
Брисел е Војводиново, а Војводиново е Брисел!

Синдром или ? „Челичење на тортурата врз припадниците од ромската заедница “

Растечкиот тренд на десничарските партии и нивната идеологија е во се поголема експанзија во Европа. Семитизам, анти циганизам, полициска прекумерна употреба на сила, гетоизација, дискриминација во сите сегменти на животот, и перфидната „невидлива дискриминација„ сокриена под плаштот на законите, за жал која е секојдневие на ромската заедница. Тие случувања прават ромската заедница во многу проблематичен и тежок период , каде се доведува до прашање и опстанок на најголемото малцинство на територијата на Европа. Сакале да рпизнаеме или не , носителите на власта скоро во сите држави членки на ЕУ се соочуваат секојдневно со новинарски информации за крѓенње на основните човекови права на ромската заедница.
Кога станува збор за територијата на Балканот , не е ништо со подобра слика , и слободно да се констатира дека постои огромен проблем , почнувајќи од реализација на сите неѓународни резолуции, се до зголементиот бран на вандалистички напади врз ромската заедница. Неодамнешниот инцидент и употребата на прекумерна полициска сила во Битола –Македонија е еден само до примерите како се постапува кон Ромите.
Дали со ова завршил проблемот? Не! После тие случувања бевме сведоци на ширење на говор на омраза кон Ромската заедница преку социјалните мрежи , фотографии и испраќање на закани кон луѓето кој земаа улество на протестите , притисок кон НВО секторот од страна на извесен Зоран Христовски. Дали е време да се молчи, или повторно да се подигне гласот!

Link: https://romanolil.net/2020/09/26/sindrom-ili/?fbclid=IwAR0rjX8aWuKceTM9pUIJyeA-m94NO19eGUQ4kvPvF8jzy4IzHihNsmeUlUg