Комисијата за заразни болести утрово донесе предлог-одлука за отворање на границите со Србија, Црна Гора, Косово и Албанија, без ПЦР-тестирање, информира Министерството за здравство. Според анализите, во моментов нема индикација, односно нема висок број на внесени случаи во земјава со ковид-19 од овие земји. Согласно тоа, нема ризик и безбедно е отворањето на границите. Предлог-одлуката ќе биде доставена до Владата на РС Македонија.
Министерската за труд и социјална политика, Јагода Шахпаска, се сретна со Реџеп Али Чупи, директор на Ромскиот едукативен фонд со седиште во Белград, на која разговараа за досегашните и тековни проекти на кои работи Фондот, со цел поголема инклузија на Ромите во општествениот живот преку помош и поддршка во образовниот и предучилишниот процес. Од страна на директорот на РЕФ,Чупи беше посочено дека Ромскиот едукативен фонд има претставништа во 16 држави од Југоисточна Европа, а во нашата држава работи на два главни и многу значајни проекти. Тоа се стипендирање на деца средношколци Роми и проектот за бесплатно вклучување на деца Роми во предучилишно образование, проект реализиран од страна на МТСП во соработка со 18 единици на локална самоуправа. Овие проекти се имплементираат од 2006 година и секоја година се вклучуваат 350-400 деца Роми на возраст од 3-6 години, во предучилишно образование, каде се вработени и 19 негователки ромки како дел од проектот. Од Министерството наведуваат дека со цел поголема инклузија на децата роми во предучилишно образование од јануари 2019 година, МТСП вклучувањето на децата Роми во детските градинки по насока на Владата, го реши на системски начин со предлог до советите на општините да ги ослободат од партиципација родителите на овие деца. Во текот на средбата се дискутираше и за можноста на вклучување на децата Роми во он лајн следење на наставна програма за предучилишно образование во време на КОВИД 19. За овозможување на таа цел РЕФ нуди поддршка со обезбедување на таблети на оние деца Роми кои нема да престојуваат физички во градинките. Двете страни се согласија дека соработката помеѓу Министерството за труд и социјална политика и Ромскиот едукативен фонд продолжува и понатаму, со цел поголема вклученост на Ромите во сите сегменти на општественото живеење, со посебен акцент на предучилишниот образовен процес.
„Едно општество за сите само не за Ромите„ е дел од серијалот на оваа Влада и нејзиниот односкон Ромската заедница. По првата епизода од серијалот „Едно општество за сите само не за Ромите„ каде нема место за Ром – министер, во втората епизода нама место ниту за Заменик министер –Ром. Во третата епизода беше – нема Ром ниту на раководна позиција во секторот – јавни институции. Четвртата епизода - Национална платформа за учење од далечина има на македонски, албански, англиски, бошњачки, турски и српаски ама погаѓате нема на –Ромски јазик! Ако продолжи овака оваа „Бандини„ серија од „Едно општество за сите само не за Ромите„ немој да се чудите ако во серијата „Парламентарни„, „претседателски„ или незнам какви други извори – ќе нема ниту гласови од Ромската заедница! Освен ако „Режисерот„ на овој серијал не одвоил „Хонорар„ за тогашната епизода – „Избори„, па да има и Ромски гласови! Ќе видиме –Здрави били па видели!
Новинарот Рамуш Муарем-Цирко, на панел дискусијата на тема „Дискриминацијата и вработувањето во јавниот и приватниот сектор“ во организација на ЦИВИЛ, истакна дека издвојувањето на етничката припадност за вработувањето не може да се смета како афирмативна и дека тоа се коси со Уставот на државата. „Знаеме дека сме мултикултурна држава и вакви предлози одма ги кршат копјата, од една или друга страна секогаш има напади, и ова мерка може да донесе повеќе раздор отколку економска или некоја друга стабилност“, додаде Муарем. Тој истакна дека кај Ромите во државата е повеќе присутна сиваta економија, затоа што самите гледаат дека немаат шанси или шансите се многу минимални да се вработат во јавниот или приватниот сектор. „Државата прави напори да се елиминира таа сива економија, за да се полни буџетот, а Ромите се принудени така да работат, бидејќи немаат пристап до вработување во приватниот сектор, или ако се вработат тогаш се на функции од понискиот ешалон, а раководителни функции нема шанси да добијат“, рече Муарем. Муарем истакна дека вработувањето на Ромите во јавната администрација според Рамковниот договор е на многу ниско ниво. Тој додава дека не се работи за немање на професионален кадар, бидејќи има доста дипломирани Роми со имплементација на Декадата на Ромите 2005-2015 година. „Во судските органи нема вработено доволен број на Роми, освен заменик – народен правобранител Васка Бајрамовска и мислам дека има еден судија Ром во Основниот суд во Гостивар, и толку. Во Министерството за внатрешни работи процентот на вработени Роми е 0,7. Во Музеите има 0,5 осто вработени од ромската заедница (тоа е од областа Култура). Вработеноста на Ромите во образованите институции во средните училишта е 0,2 проценти, во високото 0,3 отсто, во основното е 0,6 отсто, но тоа е бидејќи има две основни училишта во Шуто Оризари и затоа бројката е повисока. Бројките на вработување на Роми е катастрофална“, истакна Муарем. Тој додава дека работната способност и капацитет не може да се одредува според етничката припадност, односно ако го бива – го бива, ако не го бива тогаш не го бива. Муарем нагласи дека перцепцијата дека Ромите сами не се ценат доволно, е затоа што самата држава не ги прецепира. Тој истакна дека „колетерална штета“ е тоа што во новата влада нема Ром – министер без ресор за имплементација на Стратегијата на Ромите. „Покрај тоа што нема министер Ром во новата влада, нема ниту заменик министер, нема ниту еден раководител во јавните претпријатија… има само една пратеничка Ромка во Собранието, и толку“, потенцира Муарем. Муарем додаде дека државата најавува Директориум, но се уште не се знае кога ќе профункционира, кој ќе биде назначен, итн.
