Иницијативата за Економски развој на Ромите (РЕДИ) во соработка со Швајцарската програма за претприемништво (СЕП), Стартап Македонија, Бизнис Импакт Лаб, E-комерц Македонија, E-комерц Србија и Сферик Акселератор Романија, ја реализираше првата е-акцелераторска програма „Рома Диџитал Буст“ („Roma Digital Boost“).
Цел на програмата е пренесување на знаење и вештини на 60 бизниси, раководени од Роми за нивна трансформација од традиционален бизнис во дигитален бизнис и да обезбедување финансиска поддршка во форма на парична награда, менторство еден на еден, поддршка за туторство и решенија за е-трговија на најперспективните воспоставени дигитални бизниси.
Преку програмата „Рома Диџитал Буст“, на онлајн платформата Зум, 60 бизниси раководени од Роми од Романија, Северна Македонија и Србија учествуваа во онлајн модули за бизнис моделирање и дигитална транформација, импакт и менаџирање, маркетинг, е-трговија и презентирање на бизнис идеја.
На крај од програмата, 28 финалисти онлајн ги презентираа своите бизнис модели пред жири комисијата.
Фериде Бекири е победничка од нашата земја, која освои 5.000 евра награден пакет (грант и индивидуално менторство). Фериде е жена Ромка претприемач со над 25-годишно искуство во трговија со облека. Таа има деловен бизнис со трговија што беше затворен за време на кризата со Ковид-19. Со искуство и знаење од програмата на „Рома Диџитал Буст“, Фердие успеа да го развие својот бизнис онлајн.
Освен трите победнички од трите земји што учествуваа и останатите 25 финалисти добија различен сет на пакет услуги за развој на своите бизнис модели.
Вкупниот износ на награди доделени за оваа програма е 25.000 евра. Програмата е финансирана од Фондот на Отворено Општество Ковид Пулед Фонд.

Во општина Разлог во Република Бугарија во една ромска населба на 28 септември избувна пожар од катастрофални размери. Во огнената стихиа целосно изгореа куќи од седум ромски семејства. За среќа немаше човечки жртви. Пожарот се случил кога сите спиеа во 04:15 часот изутрина
Инаку во тие куќи живееа 22 члена од кои 10 деца. Сега на тие седум семејства им е потребна храна, облека, ќебиња, како и пари. Општина Разлог прави сè што е потребно за поддршка на семејствата
Администарцијата на општината на ФБ се обрати до сите со барање за помош - прехранбени производи, што е можно пакувани, сочувани, како и сочувана облека може да се обезбеди во зградата на општинската администрација.
Се должи отворањето на банкарска сметка од страна на Иницијативниот комитет, која дополнително ќе биде објавена на Фејсбук и веб страната на Општина Разлог. Остварен е контакт со Бугарскиот Црвен Крст, благодарение на кој ќе биде доставена храна и облека
Се вели во ФБ објавата на Красимир Герчев, градоначалник на Општина Разлог