Социјала

Што значи Рамазанскиот пост?

Рамазан е месец на пост во целиот муслимански свет. Тој е еден душевен ибадет којшто на верникот му го зголемува трпението и му го зајакнува телото. Пропишан е втора година по хиџра. Во месецот Рамазан почнала објавата на Куранот, како патоказ и јасен доказ за човештвото.

Постот како институција бил пропишан и на поранешните народи пред Мухамеда а.с.. Познато е дека и Муса а.с. постел четириесет дена. Постот е воспитно исламско средство кое нè учи да се совладаме себеси и нашите зли наклоности, кај нас развива сомилост и дарежливост, нè учи да бидеме храбри и издржливи.

Дефиниција на постот гласи: Воздржување од јадење, пиење, пушење, интимен однос од пред зора па сè до заоѓање на сонцето, со цел постигнување на Аллахово задоволство и награда.

Должен е да пости секој возрасен, паметен, присутен муслиман, и муслиманка која е надвор од месечен циклус или крвавење после породување.

Во Штип свечена церемонија од страна на Мрежата за системски и трајни решенија поповод 8-ми Април Меѓународниот ден на Ромите

Во општинската сала во Штип на свечен начин започна караванот кои го организира Мрежата за застапување за системски и трајни решенија за интеграција на Ромите во Република Северна Македонија под покровителство на Владата На Република Северна Македонија, поповод одбележување на Меѓународниот ден на Ромите – 8 Април. На свечениот чин беа присутни градоначалникот на општина Штип Иван Јорданов, Зоран Димов Координатор на Мрежата, Ерол Адемов од здружение на мултиетничко општество за човекови права Штип, Шенај Османов член на Мрежата и други истакнати гости и граѓани од Штип.

На самиот вовед градоначалникот на Штип Јорданов се обрати пред присутните со напомена дека како локална самоуправа прават напори за издигање на повисоко ниво на прашањата со кои се засегнати Ромската заедница од овој град. Во продолжение беше емитуван документарниот филм за историјата на Ромите „Небо, Точак, Земја„ во продукција на СП БТР. Самиот филм остави далбок впеќаток кај присутните. За филмот говореше координаторот на Мрежата и воедно и сценарист на филмот Зоран Димов.

Исто така Шенај Османов ја прочита и декларацијата од страна на Мрежата .

Потоа се разви дискусија межу присутните во врска со трибината која беше насловена како „Ромите, вчера, денес и утре„. На крај од настанот беше организиран мал освежувачки коктел.

Караванот на Мрежата продолжува со своите активности и во следните три дена а тоа во Куманово, Делчево и главниот настан на 8 Април во Скопје во Владата на РС Македонија.

По повод 8-ми Април Меѓународниот ден на Ромите Мрежата за системски и трајни решенија во координација со Владата на Република Севрна Македонијаза организира серија настани низ 4 града во државата

Во пресрет на одбележување на Меѓународниот ден на Ромите – 8 Април, Мрежата за застапување за системски и трајни решенија за интеграција на Ромите во Република Северна Македонија под покровителство на Владата На Република Северна Македонија од 5 до 8 Април 2022 година организира настани во четири града низ државата и тоа во Штип на 5 Април, Куманово 6 Април, на 7 Април во Делчево и на 8 Април во Скопје во Владата на Република Северна Македонија.

На сите настани свое присуство најавија и градоначалниците и други преставници на локалната самоуправа , како и преставници од Невладиниот сектор како и граѓани.

Покрај презентацијата за значењето на 8 Април во сите тие општини ќе има и дискусија на организираните трибини на тема „Ромите, вчера, денес и утре„ како и презентирање на документарниот филм за историјата на Ромите „Небо, Точак, Земја„ во продукција на СП БТР.

На главниот настан во Скопје во Владата на Р.С.Македонија освен тематска дискусија со повеќе министери од владата на крајот ќе има и свечен чин, во доделување на плакети за особен придонес во Ромската заедница за неколку истакнати Роми, а плакетите ќе бидат доделени по иницијатива на Мрежата за застапување за системски и трајни решенија за интеграција на Ромите во Република Северна Македонија. Исто така ќе биде и прочитана и сипратена до јавноста и Декларацијата изготвена од страна на Мрежата.

Аргентина: Во својот прилог аргентински новинар Ромите ги нарече „Цигани„

На 29 март во арегнтискиот медиум „Cronica” во еден прилог кои беше објавен под наслов „ Уапсен маж за нелегално поседување оружје во расправија со еден Циган„ очигледна беше намерата на аргентинскиот новинар и тендециозно потенцираше дека се работи за „Цигани„.

Во самиот опис на прилогот го опиша настанот дека еден маж бил пријавен поради закана кон двајца Роми во врска со продаќба на автомобил.

Полицијата пристигнала во пријавениот кварт во градот Трелев во населбата Сармиенто.

Полицијата во таа акција заплениле наполнето огнено оружје и 15 куршуми од ист калибар.

Самиот новинар во описот акцентира дека бил уапсен „маж„ каде не е наведена неговата националност , додека од друга страна опишува дека ималрасправија со „Циган„. На овој натпис започнаа реакции од различни асоцијации и здруженија од ромскиот активизам во оваа земја. Каков епилог следува, сеуште не е познато.

Link: https://www.diariocronica.com.ar/noticias/2022/03/29/63521-detienen-a-un-hombre-con-revolver-ilegal-tras-discusion-con-un-gitano-por-la-venta-de-un-vehiculo