По објавените резултати од Пописот во Р.С.Македонија која резултиираше со бројки и показатели дека во државата покрај другите, Ромската заедница не е повеќе од 2,53% сеуште не стивнуваат.
Ромскиот Демократски Сојуз – РДС исто така реагира и воедно се согласува со изнесените факти од страна на Мрежата за системски и трајни решенија во која членуваат 15 ромски НВО организации . Во реакцијата од страна на Мрежата се вели:
„Фактите говороат некои други бројки. Дека ние не сме 46.468 и дека не може да сме 10.000 лица помалку од 2002 година е апсурд невиден.
Друга лага со кои што сака Заводот за статистика да се амнестира е бројот на попишани лица со административна помош 132.260 или лица кои Заводот на статистика не ги попишал на лице место туку користел бази на државни институции.
Во оваа бројка ние тврдиме дека повеќе од 70000 се роми а тврдењата се засниваат на следните аргументи:
За време на пописот имаше најмал број попишувачи Роми;
За време на пописот ромските домаќинства некогаш и не се посетуваа;
За време на пописот дома се пополнуваа прашалници;
За време на пописот делот на етничка припадност беше пополнувана со турска, македонска и албнска;
За време на пописот намерно се оставени 132.260 лица за да се шпекулира која националност се истите.
И на карајот сомневања за горе наведеното ни буди изјавата на Директорот на заводот за статистика г-дин Апостол Симоски кој кажа дека етничката припадност е чувство што според нас подразбира можност за промена или можност за амнестирање за ваквите бројки кои излегле на ПОПИСОТ 2021.
Токму затоа ние ве уверуваме дека сме повеќе од 100.000 жители или повеќе од 4.76% во Република Северна Македонија.„ Се вели во реакцијата од страна на Мрежата со која потполно се согласува и РДС.
Едно е сигурно. Од прикажаните бројки за бројноста на Ромската заедница во државата, Ромите се „ПОПАРЕНИ„. Ама што е најтрагично од тие „изгореници„ и „опекотини„ сега не не лечат ниту 1000 пластични хирурзи, а „лузните„ и „раните„ од ова попарување тек ќе бидат видливи и исто така „болни„.
Наздравје мои Роми со новите лузни!