НВО Сектор

Премиерот Заев од НРЦ Куманово доби признание за придонес за мир, благосостојба, развој и интеграција на Ромите

Претседателот на Владата на Република Северна Македонија Зоран Заев, денеска, прими делегација на здружението Национален Ромски Центар (НРЦ), чиј извршен директор, Ашмет Елезовски, на премиерот Заев му врачи признание за придонес во обезбедувањето мир, благосостојба, развој и  интеграција на Ромите и сите останати граѓани во државата.
На средбата, која се одржа во Свечената сала на Владата на Република Северна Македонија, претставниците на Здружението НРЦ, во одделни излагања го запознаа премиерот Заев со својата работа и програмски цели, истакнувајќи дека тие работат на подобрување на правата, не само на припадниците на ромската заедница, туку на сите граѓани со различна социјална и етничка структура, особено на маргинализираните и социјално најранливи категории.
„Овој ден, 8 април – Меѓународниот ден на Ромите, е одлична можност да Ви кажеме благодарам за сето она што го работите за децата, жените и општо за правата на Ромите, за подобрување на нивниот квалитет на живот и за останатите граѓани, бидејќи Вашиот активизам е од непроценливо богатство и од помош и за напорите и мерките кои ги презема Владата“, истакна премиерот Заев, честитајќи го празникот и потенцирајќи дека од име на извршната власт и на сите граѓани изразува искрена благодарност  за сиот активизам на граѓанските организации, со надеж дека Владата дополнително ќе ги мотивира во понатамошните заложби.
Премиерот Заев подвлече, дека Владата е насочена да работи на социјалните аспекти, за подобрување на инфраструктурата, условите за образование и за вработување на припадниците на ромската заедница.
„Искрена ни е намерата да постигнеме еднакво општество за сите граѓани“, порача премиерот Заев, подвлекувајќи дека  Република Северна Македонија создава услови за живот кои одговараат на една земја-членка на Европската Унија.
Врачувајќи му на претседателот на Владата на Република Северна Македонија признание за досегашниот придонес за развојот на општеството за еднакви можности, директорот Елезовски и претседателката на Управниот одбор на Здружението, г-ѓа Нада Стојменова нагласија дека Националниот Ромски Центар ќе продолжи со мисијата за решавањето на проблемите со кои се соочуваат граѓаните и оние најранливи групи на кои им е потребна социјална, здравствена и правна помош, со единствена цел, остварување социјална инклузија и вклучување правда и еднакви права за сите.

Нови фасцилитатори и експерти ангажирани во рамките на Romacted програмата

Romacted програмата покажува добри резултати по пат на иницијатива каде фасцилитаторите низ 11 градови и општини со членовите на ЛАГ се упатуваат кон локалните самоуправи.

Во оваа фаза на реализација на овој програм ангажирани се дополнително уште 4 фасцилитатори , а на располагање за секоја локална самоуправа има и експерти од повеќе области кои ќе бидат ангажирани во реализација на приоритетите на ромската заедница во тие градови.

Културата во повеќето градови се појавува како област која е позната од страна на ромската заедница како сегмент дека се работи многу малку , и потребно е формирање на културни центри кои ќе бидат месотот каде ромската заедница ќе одлучува за својот идентитет, култура , јазик..

Link:

ERIO Кампања "Ние сме Роми"

Европската канцеларија за информации за Ромите (ERIO) спроведе кампања за социјални медиуми „Ние сме Роми„. Во рамките на Европската година на културното наследство од 2018 година, кампањата имаше за цел да се бори против дискриминацијата со која се соочуваат Ромите како последица на предрасудите и стереотипните слики кои не-Ромите ги имаат за ромската култура. Покрај тоа, таа имаше за цел промовирање на ромската култура и идентитет.
 
За да ги видите материјалите на кампањата, посетете ја нивната веб-страница: www.erionet.eu/campaign-we-are-roma. Исто така можете да ги следите и хаштадите на кампањата #WeAreRoma, #ProudAndRoma и #WeHaveTheRight.
 
Видео-кампањата ја подига свеста за богатството на ромската култура и идентитетот. Ромите се присутни во Европа со векови и придонеле за европското културно наследство преку музика, танц, сликарство и литература.

Сепак, другите не успеале да го препознаат. Важно е ромската култура да се стави на еднакво рамниште со другите култури, како составен дел на една богата и обемна европска и светска култура.

Ова е важно во контекст во кој омразата, дискриминацијата и анти-ромското расположение се сеуште многу силно присутни.

НРЦ организираше завршна конференција насловена како„Без разлики“

На 19 овој месец во Холидеј Ин во Скопје, НРЦ од Куманово беше организатор на завршната конференција од проектот „Спречување на дискриминација кон ромските деца именуван како “Без разлики

На завршната конференција пред присутните свое обраќање имаа министерот без ресор во Владата на Р.М. Музафер Бајрам, заменикот претседател на Народен правобранител Васка Бајрамовска Мустафа, директорот на Управата за водење на матични книги, Дардишта Бујар, и проект менаџерот на Делегацијата на ЕУ во Скопје Нафи Сарачини.

Конференцијата се одвивашe воработни сесии со тематски и конкретни излагања од проектното дејствување  како и резултирање и тоа, и воедно беше прикажан и документарен филм.

Проектот е реализиран од страна на Национален Ромски центар(НРЦ) со поддршка од Фондот на Европската Унија и други подржувачи на проектот насловен,,Спречување на дискриминација кон ромските деца”.

FaLang translation system by Faboba

Сакам да речам

Momentalno Online

Имаме присутни 91 посетители кои го читаат ROMATIMES.NEWS

Golden Wheel - Entry Application Form

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот