Социјала

Сараево: Зошто е срушена куќата на Рамиза Фејзагиќ , а другите куќи се поштедени?

Кога минатата недела за време на обиколка на ромската населба Горица во Сараево во тек на предизборната кампања на Неџар Ајнаџиќ, многумина се присетија на минатогодишните случувања кога по налог на општина Центар и беше срушена куќата на Рамиза Фејзагиќ- Дурмишов.
За посетување , рушенњето на оваа куќа беше проследено со присуство на голем број полицајции и медиумска акција . На тоа рушење реагираа тогаш и голем број на НВО.
Не беше јасно зошто токму таа куќа беше избрана за рушење, и покрај другите голем број на нелегално изградени објекти на територијата на таа општина.
Останува нејасно кои се вистинските мотиви за рушење, каде всушност сопственикот беше во процес на добивање на дозвола за градење на објектот.

Link: http://www.portal-udar.net/opcina-centar-zasto-je-srusena-kuca-ramize-fejzagic-a-drugi-objekti-postedjeni/

Телеграма со сочувство од ИРУ поповод смртта на проф. Д-р. Рајко Ѓуриќ

Интернационалната Ромска Унија – ИРУ во име на сите досегашни делегати и членови на ИРУ од 1971 па се до ден денешен испрати телеграма на која го изразува своето длабоко сочувство за големата загуба поповод смртта на истакнатиот ромски интелектуалец, борец за Ромските права и познавач на ромската историја, култура, традиција и јазик проф.Д-р. Рајко Ѓуриќ.
Во самата телеграма меѓудругото е и наведено:

Почитувани

Ова се многу тешки и тажни моменти, како за неговото најблиско семејство, така и за сите нас, ние како Интернационалната Ромска Унија – ИРУ.
Тешко е да се најдат зборови што би ја опишале големата тага по загубата на саканиот родител, пријател и, пред сè, еден од најголемите Роми на денешницата, Проф. Д-р Рајко Ѓуриќ.
Со заминувањето на нашиот драг пријател, професор, доктор, учител, ние Ромите изгубивме голем борец за правата на Ромите, голем поет. Со својот интелектуален капацитет, тој остави многу дела, натписи, статии, дела, патоказ како да се зачува нашата историја, традиција, култура, јазик. Ќе остане запаметен како дарежлив човек познат по својата упорност и истрајност за доброто на својот народ.
Тој ни даде патоказ, на сите нас Роми, аналогно на нас од ИРУ, да ги продолжиме своите дела и неговата мисла и идеја за поголемо единство меѓу нас. Професоре, д-р Рајко Ѓуриќ, ви благодарам за сè што стори за сите нас Роми од сите меридијани. Засекогаш ќе останете запаметени во нашите срца. Во име на сите членови и делегати на ИРУ од 1971 година до денес, ни беше чест и привилегија да живееме во вашата ера, да ве познаваме и кој секогаш ни помагал во нашите активности, да бидеме уште посилни и поголеми. Сите генерации на ИРУ изразуваат искрено сочувство до неутешното семејство, неговите колеги, соработници, пријатели и на сите луѓе што ја ценеа неговата работа.

Вечна ти слава, Докторе!

Светски ден на Ромскиот јазик - 5-ти Ноември

Светскиот ден на Ромскиот јазик за прв пат е одбележан на 5 ноември 2009 година во Загреб, Хрватска на иницијатива на Здружението развој во образованието на Ромите „Кали Сара„, Воедно и Комитетот на експерти Европска повелба за регионални или малцински јазици (ECRML) на 5 Ноември 2015 година како и Собранието UNESCO на 7. Ноември 2015. Година го прифатија 5-ти Ноември како Светски ден на Ромскиот јазик
Ромскиот јазик (изворно: rromani ćhib), е мајчиниот јазик на Ромите. Тој е дел од групата на индоариски јазици, поточно се класифицира или во централните индоариски јазици или во северозападни индоариски јазици. Доста често се класифицира и како своја посебна јазична гранка поради поголемиот број на сродни јазични варијанти.
Според ISO стандардите, јазикот е ставен во групата на макро јазици и се состои од седум под-јазици или големи дијалекти. Најголемиот дијалект е влашкоромскиот со околу 1.5 милиони зборувачи, потоа следат балканскоромскиот, карпатскоромскиот синтискоромскиот, велшкоромскиот, кало финскиот и балтичкоромскиот.
Ромска азбука
Ромската азбука е поим со кој се опфаќаат неколку латинични, пишување кои се користат за запишување на ромскиот јазик и неговите дијалекти. Ромскиот јазик до 20 век не бил пишан јазик, иако првиот пишан документ на ромски датира од 1542.
Во зависност од тоа каде се зборува јазикот, така варира и ромската азбука , и сега е во тек стандардизиран ромски правопис.

Совет на Европа: Бугарија да престане со присилното иселување на Ромите

Ова го крши правото на приватност и семеен живот на Ромите, бугарските власти мора да спречат присилно иселување, да се справат со стигматизацијата и маргинализацијата на Ромите и да го подобрат нивниот пристап до соодветно домување. Ова е наведено во мислењето на комесарот за човекови права при Советот на Европа (СЕ) Дуња Мијатовиќ, објави БНТ.
Мислењето е поврзано со спроведувањето на пресудата на Европскиот суд за човекови права од 2012 година во случајот на иселување на Ромите кои се населиле во Софија. Според судот, иселувањето го нарушило правото на приватност и семеен живот на Ромите.
Мијатовиќ смета дека покрај сериозното кршење на правото на пристап до соодветно домување, присилното иселување може да доведе до кршење на широк спектар на човекови права и мора да се спречи. Во него се наведува дека државите имаат должност да го ограничат ризикот од кршење на човековите права во врска со иселувањето и да обезбедат почитување на принципите на пропорционалност и недискриминација во секој процес на иселување.
Комесарот за човекови права на Советот на Европа смета дека властите мора да вложат напори да се справат со раширените предрасуди и институционалниот расизам кон Ромите.
Според неа, во Бугарија има бројни пречки за пристапот на Ромите до социјалните станови, вклучително и поради јавниот отпор на некои места, што предизвика некои општини да откажат градежни проекти.

Link: https://www.dnes.bg/obshtestvo/2020/11/03/syvetyt-na-evropa-bylgariia-da-spre-prinuditelnoto-izselvane-na-romi.468348?fbclid=IwAR1KRXofiFec0qGaqp9lNL231WmeSl6t1wA3AsAQ_DDaJn05uoYXQU7TJA4