Социјала

Една година од формирањето на порталот на ромски јазик Roma Press

Изминатиов викенд во редакцијата на порталот на ромски јазик Roma Press беше славенички. Причина за прославата е една година од стартот со работата на овој ромски медиум.

Во изминативе 365 дена, Рома Прес направи напори да биде забележан во пошироката јавност на тој начин што ги следеше мошне интензивно сите политички, културни и други случувања во нашата држава,

Воедно во континуитет споделуваше информации за актуелните случувања и низ светот, а кои се тесно поврзани со Ромите и случувањата околу нив.

Оваа прилика ја користиме и ние колегиумот на Веб порталот Рома Тајмс да им го честитаме првиот роденден на редакцијата на Рома Прес на чело со нивниот главен уредник Севѓул Абдула.

Нека се множат годините и успесите во иднина.

Ромски Демократски Сојуз - РДС анализа (трет дел) - Лесно е да се наметнеш како ромски лидер со туѓи и народни пари

Познавајќи го досегашното функционирање на политичкото ромско движење и функционирање во нашата држава, како и поразителните досегашни резултати од таков начин на владеење и покажано „лидерство„ од досегашните гарнитури, многу е полесно да се појават нови и „посовесни водачи -лидери„. Полесно е од причина што реално на народот му е „преку глава„ од исти фаци, и полесно може да одберат некоја нова за нив сеуште непозната „гарнитура на лидери„. И токму тој факт е од корист за „новопечените лидери „. А тие новопечени лидери по некоја логика произлегуваат повеќето од некој НВО сектор. Дотогашните канцелариски и со туѓи (народни) пари финансирани „борци„ за својот народ, поради нивниот несебичен ангажман, од обични „волонтери„ стануваат број 1 фактор во креирање на политички цели. Потоа ја започнуваат својата „за доброто на ромскиот народ„ мисија и ја презентираат својата програма пред донаторите, на разни состаноци и средби се со цел да им ја објасната како на странските донатори така и на државните институции, под закрила како нивни соработници во креирање на нови политики за добробит на народот. Кога ќе се „инфузираат „бајаги со финансии, тогаш започнуваат да фаќаат поинакви колосеци во вид на самопромоција дека се тие идниот двигател на ромскиот политички блок за полесно како финансиски така и идејно да се преобразат во политичко движење. И така довчерашните „борци од цивилниот сектор„ наеднаш се претвараат во „политички месии„ на Ромскиот народ. Испробан рецепт за нова „политичка„ авантура. Ем убаво, ем комотно ем на туѓ грб, со туѓи и народни пари колку лесно се станува политичка фаца и бр 1 кај својот народ. Сигурна и камелеонска адаптација за без пари! „Нит лук јал, нит лук мирисал„ Чисто, невино без политичка дамка, за без пари да се дојде до позиција и пари! Анализите на РДС ќе продолжат... (продолжува) Ставот на текстот преставува личен став на РДС и е надвор од уредувачката политика на Веб порталот Рома Тајмс

Бугарија: Ромите од Куклен ја обвинуваат полицијата: Не тераа да ја лижеме водата од подот додека бевме врзани!

 Браќата Румен и Васко Карагозови и Исус Атанасов беа доведени во Окружниот суд во Пловдив, каде судиите во моментов гледаат мерките нивната слобода. Обвинителството побара за тројцата млади луѓе да добијат најтешки притвор во очекување на судењето, пишува "Trafficnews.bg". Тие имаат неколку обвиненија, а за две од нив законот предвидува затворска казна. Станува збор за нанесување на телесни повреди на полицаец при извршување на службените должности и за уништување на патролни автомобил во условите на хулиганство. Адвокатот на браќата Карагозови изјави дека треба да се бараат причините за инцидентот во Куклен, каде според неговите клиенти, тие биле предизвикани од полицајците. Така, според тезата за одбрана, полициските службеници постапувале незаконски. "Зошто дошло до тоа? Тоа е најважното прашање. Нека се види зошто биле повикани вработените на МВР? Досега е дискутабилно. Според зборовите на браќата тие не ги предизвикале, а полицајците биле и во непосредна близина", објасни адвокатот. Освен тоа тројцата млади тврдат дека биле подложени на ѕверски однос и тортура за време на последните 3 дена, кога беа во притвор. Тие поминаа 72 часа во притвор, заедно со уште две други лица кои беа ослободени денес. Тие ја обвинија дека полицијата ги повредуваа додека се врзани, ги терале да ја лижат вода од подот кога биле жедни. Роднините на обвинетите дојдоа на ова соочување, но беа истерани од салата поради извици дека момчињата се невини. Обвинителството го поддржа барањето за притвор, објаснувајќи дека обвинетите можат да извршат друго злосторства, а и тројцата покажаа огромна дрскост. Државното обвинителство посочи дека тие влегле во домот на семејство Шаламанови без дозвола, а потоа покажаа огромна агресија кон полицајците.

Link: https://blitz.bg/l-kuklen-topyat-politsaite-karakha-ni-da-lizhem-voda-ot-poda-bikha-ni-vrzani_news671645.html

Велес: Новороденчињата закрепнуваат се бара дом за семејството Зекирови

Двете новороденчиња близначиња на Севѓул и Форсина Зекирови од Велес од ден во ден се се подобри, редовно јадат и добиваат на тежина, но сепак ќе останат во болница се додека надлежните институции или хуманите граѓани не најдат соодветен дом со пристојни услови во кои би можело семејството да престојува.

Денеска и навивачката група „Гемиџии“,  која имаше поставено кутија за донации на натпреварите на нивниот клуб „Борец“ ќе ги уплати собраните средства од сограѓаните на сметката на Севѓул за да може тој што побрзо да ги има на располагање и да обезбеди подобри услови за неговите три деца.

Валентина Голова е патронажната сестра која го следи семејството Закирови. Таа иницирала и инсистирала бебињата да бидат хоспитализирани
Голова вели дека често се сретнуваат со случаи како ова на семејството Зекирови.
Патронажната служба во Велес го покрива градот но и околните населени места.
Додека здравствените работници се грижат за двете новороденчиња, хуманите сограѓани на Свеѓул и Фросина се во обиколка на градот барајќи стан за нив. Веќе имаат најдено неколку каде тие би можело да престојуваат.

Директорката на центарот за социјална работа во Велес не одговараше на повиците на нејзиниот телефон. Засега нема информации дали социјалниот работник задолжен за семејството Зекирови и центарот имаат најдено решение за нивниот престој. Сепак од центарот успеаа да издејствуваат да им се издадат неопходните документи на Севѓул и Фросина со кои можат да добиваат паричен надомест од државата.

Додека не се најде решение, таткото и неговиот двогодишен син остануваат во трошната куќа, без струја чекајќи Фросина и близначињата да излезат од болница.

FaLang translation system by Faboba

Сакам да речам

Momentalno Online

Имаме присутни 117 посетители кои го читаат ROMATIMES.NEWS

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот