Социјала

Кои се корените на проблемот со питачење во Македонија?

Се претпоставува дека во Македонија има околу 2.000 деца на улица.
Борбата за гола егзистенција многу деца во Македонија ги носи на улица. Сами, или со нивните родители, питачат за да дојдат до парче леб.

Според психолозите, најчесто станува збор за деца кои се надвор од образовниот процес и доаѓаат од семејства од ромска националност, кои уште од мали се навикнуваат на овој начин на живот.

Фактор кој многу влијае за оваа појава е и ниското образовно ниво на родителите. Затоа се неопходни мерки за нивно дообразување и вработување.

Според Министерството за труд и социјална политика, Центрите за социјална работа реализираат стручна, советодавна и тимска работа за децата на улица и нивните родители и обезбедувајки право на социјална заштита, а двапати во неделата спроведуваат и теренски активности.

Преку проектот „Инклузија на деца - Роми во јавните предучилишни установи“ се овозможува подобрување и поддршка на интеграцијата на овие деца пред поаѓање во основно образование. Само оваа учебна година, има 514 деца.

Децата на улица посетуваат и посебни центри каде им се пружа и воспитна компонента со што се подготвуваат за вклучување во редовниот образовен процес.

Link: https://mk.voanews.com/a/macedonia-children-begging/4230091.html

Животот на Ромите во БиХ: Отфрлени и „поинакви„

И покрај некои позитивни акции во заштита на правата на Ромите во БиХ кој е направен во изминативе години, и понатаму има многу случаи на дискриминација каде оваа заедница се соочува секојдневно.

Ромите се најбројна од сите 17 национални малцинства кои живеат во БиХ . Според пописот на жители во БиХ од 1991 година само околу 8.000 од нив се изјасниле дека се Роми.
Но извештаите од терен велат дека нивниот број е значително поголем. Според специјалниот изветувач на ОБСЕ за состојбата на Ромите во БиХ од 2013 година велат дека на територијата на БиХ има над 50.000 Роми.

Според некои други достапни информации најчесто се спомнува и бројката од околу 70.000 но сепак сите тие информации не се земаат во предвид и не се релевантни се додке ане се даде финалниот извештај од последниот попис во БиХ.
Но сепак се знае дека Ромите се најзагрозено национално малцинство каде често се судруваат со предрасуди, дискриминација и Ромите ги доживуваат како „поинакви„ како група која не припаѓа на тоа општество каде што живеат, и има повеќе кривични дела кои се направени врз нив само од омраза.

Link: http://www.diskriminacija.ba/teme/%C5%BEivot-roma-u-bih-odba%C4%8Deni-i-druk%C4%8Diji

Летно сметање на времето: Денот се зголемува, Часовникот оди напред еден час

Во последниот викенд во март 2019-та година, ноќта во 2 часот меѓу 29 и 30-ти март почнува летното сметање на времето.

Стрелките на часовникот треба да се поместат за еден час нанапред, односно времето во 2 часот, ќе се смета како да е 3 часот.

До крајот на март денот ќе се зголеми и ќе се стемнува околу 18 часот, а со поместувањето на стрелки, ден ќе имаме се до 19 часот, а на почетокот на летото и до 20 часот.

Преминувањето на времето од зимско кон летно и обратно првпат почнало во 1916 та година во државите на северот во Европа, а денес е практика во 70 земји од Светот.
Европските земји веќе донесоа конечно укинување на оваа практика.

Хелсиншки Комитет: Во Р.Северна Македонија, Ромите се најдискриминирани

Генералното собрание на Организацијата на Обединетите нации (ООН) во 1966 година го прогласи 21 март како меѓународен ден за елиминирање на расната дискриминација. На тој ден во 1960 година, полицијата во Шарпвил, Јужна Африка убила 69 луѓе на мирен протест за укинување на сегрегацијата и против апартхејдот како официјална политика.

Високиот комесар за човекови права на Обединетите нации, Мишел Бачелет, во нејзиното обраќање по повод одбележувањето на денешниот ден, уште еднаш, нагласи дека сите човечки суштества се раѓаат слободни и еднакви во достоинството и правата. Сите ние можеме да придонесеме кон развојот и добросостојбата на општеството. Меѓународниот ден за елиминирање на расната дискриминација е можност за сите нас да повториме дека секој ден во годината ќе се бориме да ставиме крај на расизмот, расната дискриминација, ксенофобијата и нетолеранцијата.

Денес, во многу делови од светот, сведоци сме на пораст на движења засновани на идеи за расна супериорност кои ги демонизираат мигрантите и малцинствата. Ваквиот национализам ги зајакнува поделбите, поттикнува насилство и го прави општеството помалку безбедно. Можеш да се грижиш за својата земја и сепак да се грижиш за светот. Можеш да се грижиш за својата заедница и за своето семејство, а истовремено да ја почитуваш различноста на другите.

Со жалење констатираме дека, во нашата држава, расната дискриминација е директно или индиректно насочена кон граѓаните припадници на ромската заедница. Комитетот веќе подолго време прибира податоци и разгледува барања од страна на граѓани, припадници на ромската заедница за нивно етикетирање, таргетирање и нееднакво третирање.

Ромите како ранлива група, многу често се жртви на повеќекратна дискриминација и имаат ограничен пристап до социјални, здравствени и образовни услуги.

Уште еднаш, ја потенцираме нашата заложба и посветеноста во борбата против нееднаквиот статус и третман во Република Северна Македонија, насочени кон потполна елиминација на расната дискриминација и ги повикуваме сите граѓани кои се чувствуваат дискриминирани по која било основа, тоа да го пријават во Хелсиншкиот комитет.