Социјала

Колку пари му требаат на едно семејство во Македонија да ги задоволи основните потреби во месецот?

На едно четиричлено семејство во март му биле потребни минимум 32.852 денари за да ги задоволи основните потреби.

Според минималната кошница што ја изработува Сојузот на синдикати на Македонија, најмногу пари или 13.798 денари биле потребни за храна, додека за комунални трошоци и покуќнина требало да се одвојат минимум 10.414 денари.

За лична хигиена и за хигиена на домот на едно семејство му биле потребни минимум 2.324 денари, а за превоз 2.154 денари.

За облека и обувки биле потребни 2.154 денари, а за културни активности 1.070 денари.

За посетата на папата Франциск ќе биде прогласен неработен ден?

Ништо не смее да биде оставено на случајноста, зашто државата ќе ги преземе сите мерки за безбедност на највисоко ниво за посетата на папата Франциск на седми мај оваа година, поради што неофицијално се најавува дека Владата би можела да прогласи и неработен ден. Официјално, оттаму велат дека јавноста навреме ќе биде информирана.

Строгите ватикански протоколи наметнуваат организација како за посета на државници од највисок ранг со строги контроли на безбедност во Скопје. Сите здравствени институции ќе работат само за ургентни случаи, зашто според протоколот за посета на вакви личности, сите здравствени капацитети треба да бидат на располагање.

Полицијата и државните институции ќе имаат целосна контрола на движењето на сите луѓе во деловите каде што ќе се движи папата Франциск за време на неговата десетчасовна посета.
Од МВР велат дека ги преземаат сите потребни мерки за целосно и ефикасно обезбедување на овој историски настан за Македонија.

На мисата кај папата само со влезници. Главниот настан од посетата на папата Франциск на Македонија ќе биде мисата на градскиот плоштад. Сепак, не секој ќе може да дојде на овој настан. Целиот градски плоштад, со сите приоди кон него, ќе биде ограден со посебни пунктови за влегување. На мисата ќе можат да присуствуваат само оние кои претходно ќе обезбедат влезници, кои се бесплатни. Влезниците, практично, ќе значат евиденција на секој што ќе биде на плоштадот.

DW: Како навистина живеат Ромите во Европа?

Ромите се најбројното етничко малцинство на Стариот континент. Тие во Европа живеат над 7 века.

Денес во Европа живеат околу 12 милиони Роми и тие се најбројното етничко малцинство на Стариот континент. Половина од нив во земјите од Европската унија. Во Романија, Бугарија и во Унгарија живеат најмногу Роми, додека во Хрватска и во Полска ги има релативно малку.

Во прашање се само проценки, бидејќи многу Роми го премолчуваат своето вистинско потекло поради страв од дискриминација. Во Србија, например само 108.193 од вкупно 600.000 Роми така и се изјаснуваат. Во Македонија пак, процентките велат дека живеат 197 илјади Роми, додека на последниот попис како припадници на оваа етничка заедница се изјасниле 53 879 луѓе.

Ромите во земјите од средна и од југоисточна Европа главно живеат во сиромаштија. Шансите за работа им се минимални, речиси никакви, а често се изложени на дискриминација и на физички напади.

Link: https://www.dw.com/mk/%D0%BA%D0%B0%D0%BA%D0%BE-48221126?

Италијански тинејџер им се спротивстави на фашистите кои протестираа против Ромите

Едно 15 годишно момче кои им се спротивстави на екстремните десничари за време на протестите ги освои симпатиите во Италија.

Момчето со име Симеоне беше снимен во вторникот како ги брани националните малцинства за време на протестите на крајно десничарските активисити во Рим.
Тие протестираа против доселување на 70-тина Роми во прифатни центри во тој регион. Додека еден о лидерите на неофашистичката партија “CasaPound” пред новинарите даваше изјава дека локалното население не ги сакаат Ромите, Симеоне ја подигна раката интервенирал со зборовите: „Јас со тебе не се сложувам„

– Она што вие го правите овде во Торе Маури е искористување на бесот на луѓето овде во моето соседство. Ти тој гнев го претвараш во твои гласови и за твои интереси. Ако некој Ром влезе во мојата куќа и украде, сите ќе излезат на улица на протести против сите Роми. Но ако некој италијанец влезе во мојата куќа и украде луѓето ке молчат.
Не ми се доаѓа тоа што секогаш ги напаѓаш малцинствата .

Видео снимката со Симеоне постана виртуелен хит неколку часа и го објавија сите италијански и неколку светски медиуми. Некои новини го опишаа и како „нов херој на левицата„

Инаку во видеото од протестите кое го објави “La Repubblica”, демонстрантите ги прикажуваа како ја газат храната наменета за Ромите а се слушаат и гласови како некој вика: „ Мора да умрат од глад!„

Link: http://rominfomedia.rs/italija-tinejdzer-se-suprotstavio-fasistima-koji-su-protestvovali-protiv-rama-video/?fbclid=IwAR1UGKHsdV3ReWHoHr7yUJZLl7YFj8UhLoY7LVNbAiq1fnm5f208clc4gUA
You tube: