Бразил: Инцидетнот помеѓу полицијата и едно ромско семејство предизвикаа масовни убиства на Ромите, побарана е и интервенција на ОН
Во вторникот, на 13 јули, започна расправија меѓу двајца полицајци во цивилна облека и едно локално ромско семејство во градот Зе Гонкалвес.
Инцидентот заврши со смртта на полицајци и двајца Роми. Полицијата тогаш наводно започнала фатална кампања за прогон на сите ромски семејства во овој град, кој има приближно 340 000 жители, како и во целата североисточна држава Баија.
Според локалните медиуми најмалку шест Роми биле убиени, а други 15 ранети. Следниот ден, полицијата уби 14-годишно момче Ром.
Таа трагедија се случи во аптека. Истиот ден на друго место, полицијата уби уште еден млад Ром, пред локалната пошта.
Запалени се ромски автомобили и домови, а многу ромски семејства се плашат да излезат надвор. Исто така, се наведува дека на преживеаните роднини на жртвите им е забрането да се грижат за мртвите и да ги погребуваат во согласност со нивната традиција.
Затоа и е испратен манифестот до бразилските власти, вклучително и претседателот Јаир Болсонар, од страна на Сојузот на Ромите од Шпанија каде на тој манифест се вклучува и ИРУ каде се повикуваат на гарантирање на безбедноста на бразилските Роми, исто така, бараат итна интервенција на Обединетите нации и казнување на одговорните.
„Веруваме дека генералниот секретар на Обединетите нации, Антонио Гутерес, како граѓанин на Португалија, ќе може да ја разбере оваа трагедија“, стои во манифестот, кој го потпишаа повеќе од 100 организации и јавни личности.
Околу 800.000 Роми од различни групи живеат во Бразил, каде придонесуваат за развојот на земјата.