O Skopsko kriso angja decizia te del 30 divesa phanlipa bašo rodiba mito e bukjarneske an i komuna Šuto Orizari.

– Oficialno sasto krisaro angja decizia -dekreto te implementirinel pe rodaripaskoro akti mujal jekh persona bašo kerdo mujalkanonikano akti mito .
O šubikerdo sar bukjarno an i komuna Šuto orizari an o 27 januari ko ofisia e komunake lelja angleder phanlo lafi mito ko učipa taro 1000 eura.

O mito so angleder rodingja le lelja le te kerel konekcia bukajke so na tromal sine te kerel la. Ov rodingja love te del Dekreti sar te del oficialno Sertifikato khereske so sine kerdo sar nalegalno , vakeren taro Kriso.

Ko trintodi (31.01.2018) an o pervazia pire savalenge o Ministeri bizo resoro i koordinacia thaj implementacia Strategia e Romenge 2014-2020 ikergja bukjarno dikhipa e dizjakere šerutne Kurta Duduš . Ko dikhiba sine diskusia e saste thaj planirime aktivitetia ko proektia so si sar infrastruktura ko thana tari akaja komuna.

Sine konstatirime kaj trebel finansisko suporto an i realizacia an o proektia so ka lačćharen i situacia kote so dživdinen o Roma.