Социјала

Народната кујна во Шуто Оризари ќе паузира, поради новиот бран до Ковид 19

Општината Шуто Оризари излезе со свое соопштение во кое се вели дека Народната кујна ќе паузира на одредено време поради ноиот бран со Ковид 19 на територија на општината. За да се сочува здравјето на граѓаните , бараме за разбирање на оваа донесена одлука се со цел да се држи под контрола бројаката на заразени граѓани во рамките на општината, информираат од општината. Изминатата недела беше исклучителен предизвик, особено од аспект на одржување на ред и дистанца помеѓу сите корисници имајќи во предвид дека работиме со намален капацитет во тимот. Со цел да го заштитиме вашето и нашето здравје, а согласно најавите на Министерот за здравство дека допрва не очекува пикот на третиот бран, Ве известуваме дека кујната нема да функционира краток временски период, почнувајќи од понеделник 29 март. Корисниците ќе бидат и теренски информирани за паузата како и за датумот на почетното отварање, веднаш по стабилизирање на бројката на заразени и враќање на сите членови во тимот. Здравјето пред се! Избегнубајте гужви, излегувајте само доколку е неопходно и чувајте се! Ние сме тука – продолжуваме многу скоро – а дотогаш останете во добро здравје.

Почина Пол Полански, голем пријател и заштитник на Ромите

Американскиот писател и новинар Пол Полански почина на 26 март 2021 по тешко и кратко боледување. По потекло од Ајова, поголемиот дел од животот го поминал во Европа, каде ги проучувал движењата на ромското население. Пред крајот на бомбардирањето на Југославија во 1999 година, тој дојде во Косово, каде што, по барање на ООН, требаше да волонтира во ромски бегалски камп. Од 2006 година живее во Кнез Село во близина на Ниш. За време на неговиот престој на Косово, Албанците неколку пати се обидоа да го киднапираат. - Не сум политички ориентиран, но сведок сум на тие настани. Напишав за одбивањето на КФОР да ги заштити малцинствата. Подоцна бев сведок на погрон во пролетта 2004 година, кога сите енклави беа нападнати од Албанци. Бев присутен кога Албанците донесоа резервоар за гориво, истурија вода во болницата во Фуше Косово и ја запалија. Лекарите и медицинскиот персонал кои беа внатре бегаа преку страничните излези, додека јас стоев со полициските сили на ООН, кои одбија да интервенираат - рече Полански во едно своје интервју .

Ниш: Организирано вакцинирање на Ромите и ромските од Ниш и околината

Вакцинацијата за лица од ромската заедница беше организирана во Центарот за култура на Ромите (РЦЦ) во Ниш. Околу 100 лица примиле вакцина од кинескиот производител или Астра Зенека, а во наредните денови, екипите на Нишкиот здравствен дом ќе вакцинираат заинтересирани граѓани и во населбите.

Пунктот за вакцинација, што беше отворен денес во РЦЦ, го посетија градоначалничката Драгана Сотировска и директорот на Здравствениот дом,

д-р Милорад Јеркан.

- Голем број Роми се одлучија за вакцинација. Добрата работа е што и ромското население одговори на овој повик за масовна вакцинација. Во следните недели, вакцинациите ќе се организираат и во другите ромски населби. Интересот е голем и тоа особено ме радува. Тука има цели семејства, родителите дојдоа и ги донесоа своите родители и стари лица во Ниш, што особено нè радува - истакна Сотировска.

ЗПР: Пристапот до примарна здравствената заштита е уставно право на граѓаните од Шуто Оризари

Здружението на правници Роми од Скопје (ЗПР) упати остра реакција во однос на динамиката со која Министерството за здравство се залага во решавање на проблемот со недостигот на матични лекари во Поликлиниката во Шуто Оризари.

„Министерството за здравство, согласно начелото за достапност од Законот за здравствена заштита е должно да обезбеди пристап до здравствена заштита, кој е географски, физички и економски достапен, особено кога станува збор за здравствената заштита на примарно ниво. Исто така, Министерството за здравство е должно да обезбеди континуираност на здравствена заштита со функционално воспоставен систем на организација на здравствена дејност на сите нивоа од примарно, преку секундарно до терцијарно ниво, на населението во секое време, а особено во време на глобална здравствена криза“, стои во нивното соопштение.