Социјала

Жестока реакција поповод говорот на омраза на ФБ!

Деновиве буквално ФБ „експлодираше„. Причината беше едноставна, и тоа пради објавен пост - виц, кој со тоа навреди и омаловажи една цела заедница – Ромската.

Извесен Златко Бојаџиев на својот ФБ профил , едитираше објава виц во кој буквално ја навреди целата ромска заедница.

И веднаш очекувано како реакција започнаа коментари и негативни критики кон објавувачот.

Во коментарите освен навредливи имаше и вулгарни конотации, како и закани за преставки и пријавување за недоличната содржина на самиот виц.

За среќа целата еуфорија траеше од неколку часа, која веднаш потоа и самиот автор на недоличната објава, по се изгледа ја разбра критиката и веднаш го избриша недоличниот пост –виц.

Ова нека преставува поука дека сепак секоја форма на навреда и говор на омраза може да биде строго санкционирана , и може да има несогледиви последици.

ЗРДИЦМ ги додели првите сертификати за „Педагошки помошници за ученици од основното образование„

На 7 фебруари 2020 година во О.У. Св Климент Охридски во општината Бутел, на пригоден начин на посетителите на три месечната обука во рамите на проектот кој го реализира Здружението Ромски Деловен Информативен Центар Македонија ЗРДИЦМ - им беа поделени и првите сертификати за стекнатото знаење, вештина, компетенции - „Педагошки помошници за ученици од основното образование„

Инаку обуката започна од 1 ноември 2019 и заврши на 31 јануари 2020, каде самите посетители пред да се стекнат со сертификатото имаа и полагање за истиот.

Тие за време на обуката се стекнаа со знаење за подучување на ученици од основното образование. Задача им е да ги оспособуваат учениците за индивидуална работа како и работа во тим.

Исто така педагошките помошници се стекнаа со знаење за мотивација на учениците во проширување на своите знаења и слични вештини.

Сега со стекнатиот сертификат самите иматели ќе бидат на некој начин активно приклучени во дел од наставниот план и ќе бидат од корист на наставниот кадар од основните училишта во скопските општини Чаир, Бутел, Гази Баба, Карпош и Ѓорче Петров се до крајот на оваа учебна година.

Инаку сертификатите им беа доделени од страна на претседателот на ЗРДИЦМ Зоран Димов.

Три недели без струја! Ромите од нишката населба „12 Фебруари„ протестираа!

Околу стотина жители од нишката населба „12 Фебруари„ излегоа на улица на протести носејќи транспаренти и го стопираа сообраќајот односно регионалниот пат Е 771 , негодувајќи поради исклучената електрична енергија.

На лице место интервенираше и нишката полиција кој протестантите ги помести од овој регионален пат. Преставниците од оваа населба, по направениот разговор со полицијата го прекинаа протестот поради непријавување на собирот.

Во населбата живеат околу 100 семејства и испораката на електрична енергија е прекината од пред две недели, поради наводно „дефект на инсталацијата„

Екипата на електродистрибуција излезе на терен, но не интервенираше поради огромен долг и нема основа за повторен приклучок.

Во меѓувреме Ромите од оваа населба имаа средба и со градоначалникот на Ниш, Дарко Булатовиќ и со директорот на ЕПС, но немаше постигнат договор.

Граѓаните најавија нови протести и инсистираат на средба со локалната самоуправа и преставници на Електродистрибуција, , а истовремено очекуваат подршка од ромските активсти во решавање на овој проблем.

Link: http://rominfomedia.rs/tri-nedelje-bez-struje-romi-iz-niskog-naselja-12-februar-protestvovali-zbog-iskljucenja-struje/

Државата ќе отпише над 10 милиони евра долгови на граѓаните

Собранието го изгласа законот за отпис на камати и репрограмирање долгови и трошоци на физички лица, со што над 10 милиони евра долгови на граѓаните ќе бидат отпишани, соопшти Министерството за правда.

Со законот се бришат каматите на сите предмети што се дадени за извршување заклучно со 31.12.2017 година од страна на јавни и државни претпријатија или државни органи и установи.

Со законот се предвидува и репрограмирање на долгот, односно плаќањето на главниот долг да биде на рати. Колку е поголем долгот, толку ќе се зголемува рокот на отплата, односно ќе се исплаќа на повеќе рати.

„Во однос на репрограмирањето, со новото законско решение се предлага плаќањето на главниот долг и трошоците во постапките пред судот, нотарот и извршителот да се врши во месечни рати, во зависност од висината на долгот и трошоците.

Доверителите што се во државна или јавна сопственост, по сила на овој закон, се должни да направат целосeн отпис на каматите и репрограмирање на главниот долг и трошоците во рок од три месеци од денот на стапување во сила на овој закон“, појаснуваат од Министерството.

Доверителите што се во приватна сопственост, отписот на каматите, како и репрограмирањето на главниот долг и трошоците, го вршат на доброволна основа.

Законот, кој вчера беше изгласан, ќе стапи во сила осмиот ден од денот на објавување во „Службен весник на Република Северна Македонија“.