Социјала

Хелсиншки Комитет: Во Р.Северна Македонија, Ромите се најдискриминирани

Генералното собрание на Организацијата на Обединетите нации (ООН) во 1966 година го прогласи 21 март како меѓународен ден за елиминирање на расната дискриминација. На тој ден во 1960 година, полицијата во Шарпвил, Јужна Африка убила 69 луѓе на мирен протест за укинување на сегрегацијата и против апартхејдот како официјална политика.

Високиот комесар за човекови права на Обединетите нации, Мишел Бачелет, во нејзиното обраќање по повод одбележувањето на денешниот ден, уште еднаш, нагласи дека сите човечки суштества се раѓаат слободни и еднакви во достоинството и правата. Сите ние можеме да придонесеме кон развојот и добросостојбата на општеството. Меѓународниот ден за елиминирање на расната дискриминација е можност за сите нас да повториме дека секој ден во годината ќе се бориме да ставиме крај на расизмот, расната дискриминација, ксенофобијата и нетолеранцијата.

Денес, во многу делови од светот, сведоци сме на пораст на движења засновани на идеи за расна супериорност кои ги демонизираат мигрантите и малцинствата. Ваквиот национализам ги зајакнува поделбите, поттикнува насилство и го прави општеството помалку безбедно. Можеш да се грижиш за својата земја и сепак да се грижиш за светот. Можеш да се грижиш за својата заедница и за своето семејство, а истовремено да ја почитуваш различноста на другите.

Со жалење констатираме дека, во нашата држава, расната дискриминација е директно или индиректно насочена кон граѓаните припадници на ромската заедница. Комитетот веќе подолго време прибира податоци и разгледува барања од страна на граѓани, припадници на ромската заедница за нивно етикетирање, таргетирање и нееднакво третирање.

Ромите како ранлива група, многу често се жртви на повеќекратна дискриминација и имаат ограничен пристап до социјални, здравствени и образовни услуги.

Уште еднаш, ја потенцираме нашата заложба и посветеноста во борбата против нееднаквиот статус и третман во Република Северна Македонија, насочени кон потполна елиминација на расната дискриминација и ги повикуваме сите граѓани кои се чувствуваат дискриминирани по која било основа, тоа да го пријават во Хелсиншкиот комитет. 

Отфрлен предлогот за заедничка комеморација во Јасеновац

Претставници на српската и на еврејската заедница во Хрватска, денеска соопштија дека во април ќе одржат посебна комеморација за жртвите на концентрациониот логор Јасеновац од Втората светска војна, и дека нема да учествуваат на заедничката комеморација, што беше предлог на хрватскиот премиер, Андреј Пленковиќ.

Во саботата, Пленковиќ ги повика Сојузот на антифашистички борци и антифашисти на Република Хрватска, и претставниците на Евреите, Србите и Ромите, заедно со државните функционери, да одржат комеморација за жртвите на овој усташки логор.

Во изминатите три години, претставниците на српската, еврејската и ромската заедница, како и антифашистите, кои го сочинуваа поголем дел од жртвите убиени во Јасеновац, ја бојкотираа официјалната комеморација, во знак на протест поради пропустот на Владата да се справи со историскиот ревизионизам на злосторствата од Втората светска војна.

Тој најави дека на 12 април, српското, еврејското и ромското малцинство и антифашистите, ќе одржат посебна комеморација.

Според списокот на меморијалниот центар Јасеновац, помеѓу 1941 и 1945 година, усташите во логорот убиле 83.145 затвореници, Срби, Евреи, Роми и антифашисти.

 

Папата Франциск ќе помине цел ден во Скопје и ќе одржи миса на плоштадот ,,Македонија“

На 7 мај, во Скопје за прв пат ќе допатува Папа Франциск. Неговата посета се смета како историска, бидејќи се совпаѓа со 25 годишнината од воспоставување на дипломатските односи меѓу Северна Македонија и Ватикан.
Неговата агенда ќе започне од утринските часови, а се очекува во Скопје да дојдат многу домашни и странски поддржувачи на Папата.
Скопје на 7 мај ќе биде блокирано, но државниот секретар, Виктор Димовски, вели дека безбедноста во земјата ќе биде на максимално ниво.

И од МВР известуваат дека ги преземаат сите потребни мерки за целосно и ефикасно обезбедување на настан и високиот гостин.

По официјалниот пречек, Папата Франциск ќе се сретне со претседателот, Ѓорге Иванов, премиерот, Зоран Заев, со претставници од граѓанскиот сектор и со дипломатскиот врв. Во текот на неговиот престој, тој ќе се сретне и со верските поглавари и со сиромашни. Во програмата за апостолското патување на Папата во Северна Македонија, предвидено е да се одржи и литургија, а се очекува да учествува и на екуменскиот и меѓуверскиот собир со младите. Папата Франциск, неговото 29-то апостолско патување ќе го заврши во попладневните часови на 7 мај, со средбата што ќе ја оствари со свештениците и нивните семејства, по што ќе се врати во Рим.

Civilmedia - Жителите на Баир, Битола: Политичарите на овие избори нема да нè излажат со водата!

„Зимно време струја немаме, летно време вода немаме. Секогаш пред избори политичарите доаѓаат и нè лажат, откако ќе поминат изборите никаде ги нема“, ѝ вели еден жител на битолски Баир на граѓанската новинарка, која отиде да види дали по пет месеци е нешто сменето по објавата на ЦИВИЛ, дека во битолски Баир луѓето со децении живеат без капка вода.
Друга жителка на оваа сиромашна населба додава дека градоначалничката на oпштина Битола, Наташа Петровска, им ветила дека ќе го среди проблемот со струјата и водата.
„Наташа ни вети дека ќе ни се исполни желбата да имаме вода. Но, сега уште малку ќе дојдат избори и сакам да ѝ порачам на Наташа да нè има во предвид и да го реши проблемот, инаку воопшто да не праќа луѓе да нè убедуваат да гласаме, оти, како ќе дојдат, така и ќе си заминат. Во Баир никој нема да гласа“, вели таа.
„Пред избори доаѓаат и нè лажат дека, ако гласаме, ќе го средат проблемот со водата и ни даваат по 500 денари да гласаме. Зошто да го дадам мојот глас за 500 денари?“, вели еден жител на Баир, кој сака да остане анонимен.
Жителите велат дека неколку пати го блокираа патот за државата и општината да ги слушнат и нивните проблеми.
„Во училиште децата ги пуштаме да одат со вошки, бидејќи немаме вода да ги избањаме“, вели една изреволтирана мајка.
Пред пет месеци, на 6 неомври 2018 година, дел од тимот на ЦИВИЛ, заедно со тим од граѓански новинари, ја посети населбата Баир и оствари средба со градоначалничката на Битола, Наташа Петровска и директорот на ЈКП Водовод, Горан Козаров кои истакнаа дека знаат за тој проблем и се трудат да го решат.
Меѓутоа, и по пет месеци откако ЦИВИЛ објави за проблемите со кои се соочуваат баирчан(к)и, нема никаква реакција од локалните и централните власти.
Дали навистина Ромите во Баир се бројат и гледаат само како гласачка машинерија?!

Link: https://civilmedia.mk/zhitelite-na-bair-bitola-politicharite-na-ovie-izbori-nema-da-ne-izlazhat-so-vodata/?fbclid=IwAR0TZQmXQsYEF5N-4h9UPEbmzzlmP5PfI3zG3ZMm1tCtxJZYXo10qQRM9B0

Youtube:

FaLang translation system by Faboba

Сакам да речам

TV BTR NACIONAL

Momentalno Online

Имаме присутни 455 посетители кои го читаат ROMATIMES.NEWS

o Vakti

 booked.net

Најпопуларни

Golden Wheel - Entry Application Form

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот