За состојбата на Ромите во Хрватска доста зборува и фактот дека официјалниот попис не може да потврди колкав е всушност бројот на Ромите. Спротивно од предрасудите за нив како оние кои го „користат системот„ некој од Ромите го кријат и своето потекло која ја разбираат како стратегија за да се опстане, пишува регионалниот портал „Билтен„

Ревизионизмот и негирање на геноцидот врз Ромите во Втората светска војна, стана како дел од „медиумската култура„ предупреди на преставување на прирачникот за судбината на Ромите во т.н. НДХ, историчарот и авторот Данијел Војак.

Во Хрватска ромската популација е релативно мала и според пописот на гражаните во Хрватска од 2011 година ги има околу 17.000. Но истражувањата од Канцеларијата за човекови права и правата на националностите од 2011 покажа дека најмалку 24.524 лица се од ромската популација.

Дека дискриминацијата и предрасудите кон Ромите во Хрватска се секојдневие ја покажува и информацијата од Канцеларијата од правобранителот и дадените преставки. Всушност 28% од Ромите навеле дека барем еднаш во текот на годината се соочиле со дискриминација, а 17% од нив навеле дека во текот на животит доживеале и физички напад само затоа што се Роми.

Кога станува збор за вработувањето , дури 44% од Ромите се невработени, и уште 22% се со статус домаќинки , односно се грижат за домаќинство со полно работно време.

Станбените услови кај ромските домаќинства дури 43% од нив немаат вода преку водоводот, половината немаат бања со туш, 73% немаат канализација а секое дестео домаќинство нема електрична енегрија.

Просечен месечен приход во ромското домаќинство , без разлика на изворот на приходи изнесува околу 550 евра,што е доста под просекот за доволни средства за остварување на основните животни потреби.

Бугарскиот заменик-премиер и министер за одбрана Красимир Каракачанов воведува контроверзен план за интеграција на ромското малцинство во бугарското општество.
Нацрт-законот за концептот "Концепт за интеграција на несоцијализираната Ромска етничка заедница предвидува различни задолжителни практики за Ромите, вклучувајќи и присилна општо корисна работа за лица над 16 години.

Оние кои не можат да плаќаат сметки за комунална хигиена според законот ќе мора самите преку општо корисна работа да ги чистата реоните кај што живеат.
За да се контролира стапката на наталитет кај Ромите, Каракачанов предлага програма за државен абортус, која ќе обезбеди бесплатни абортуси за жени со повеќе од три деца.

Предлог-законот сугерира "необразовани и невработени" Роми да бидат испратени во "центри за обука".

Предлог-законот, исто така, предлага намалување на социјалната помош ако Ромите одбиваат да работат или ги испраќаат своите деца на училиште, уривање на неовластени ромски куќи и создавање на доброволни безбедносни единици во области населени со Ромите.

"Ако Каракачанов го разгледа уставот, тој ќе види дека сите ние имаме еднакви права", рече пратеникот Џејхан Ибрјајмов од партијата Движење за правата и слободите (ДПС), критикувајќи го планот. Ибрјајмов, кој потекнува од турското малцинство во земјата, го нарече и предлогот "нехуман".

Каракачанов е лидер на Бугарското национално движење (ВМРО) и еден од тројцата водачи на националистичкиот блок Обединети патриоти, кој влезе во коалиција со владејачката премиер Бојко Борисов - Граѓаните за европски развој на Бугарија (ГЕРБ).

Link: https://www.dailysabah.com/europe/2019/02/08/bulgarias-deputy-pm-proposes-free-abortions-for-roma-women-to-control-birth-rate