Социјала

Папата Франциск ќе помине цел ден во Скопје и ќе одржи миса на плоштадот ,,Македонија“

На 7 мај, во Скопје за прв пат ќе допатува Папа Франциск. Неговата посета се смета како историска, бидејќи се совпаѓа со 25 годишнината од воспоставување на дипломатските односи меѓу Северна Македонија и Ватикан.
Неговата агенда ќе започне од утринските часови, а се очекува во Скопје да дојдат многу домашни и странски поддржувачи на Папата.
Скопје на 7 мај ќе биде блокирано, но државниот секретар, Виктор Димовски, вели дека безбедноста во земјата ќе биде на максимално ниво.

И од МВР известуваат дека ги преземаат сите потребни мерки за целосно и ефикасно обезбедување на настан и високиот гостин.

По официјалниот пречек, Папата Франциск ќе се сретне со претседателот, Ѓорге Иванов, премиерот, Зоран Заев, со претставници од граѓанскиот сектор и со дипломатскиот врв. Во текот на неговиот престој, тој ќе се сретне и со верските поглавари и со сиромашни. Во програмата за апостолското патување на Папата во Северна Македонија, предвидено е да се одржи и литургија, а се очекува да учествува и на екуменскиот и меѓуверскиот собир со младите. Папата Франциск, неговото 29-то апостолско патување ќе го заврши во попладневните часови на 7 мај, со средбата што ќе ја оствари со свештениците и нивните семејства, по што ќе се врати во Рим.

Civilmedia - Жителите на Баир, Битола: Политичарите на овие избори нема да нè излажат со водата!

„Зимно време струја немаме, летно време вода немаме. Секогаш пред избори политичарите доаѓаат и нè лажат, откако ќе поминат изборите никаде ги нема“, ѝ вели еден жител на битолски Баир на граѓанската новинарка, која отиде да види дали по пет месеци е нешто сменето по објавата на ЦИВИЛ, дека во битолски Баир луѓето со децении живеат без капка вода.
Друга жителка на оваа сиромашна населба додава дека градоначалничката на oпштина Битола, Наташа Петровска, им ветила дека ќе го среди проблемот со струјата и водата.
„Наташа ни вети дека ќе ни се исполни желбата да имаме вода. Но, сега уште малку ќе дојдат избори и сакам да ѝ порачам на Наташа да нè има во предвид и да го реши проблемот, инаку воопшто да не праќа луѓе да нè убедуваат да гласаме, оти, како ќе дојдат, така и ќе си заминат. Во Баир никој нема да гласа“, вели таа.
„Пред избори доаѓаат и нè лажат дека, ако гласаме, ќе го средат проблемот со водата и ни даваат по 500 денари да гласаме. Зошто да го дадам мојот глас за 500 денари?“, вели еден жител на Баир, кој сака да остане анонимен.
Жителите велат дека неколку пати го блокираа патот за државата и општината да ги слушнат и нивните проблеми.
„Во училиште децата ги пуштаме да одат со вошки, бидејќи немаме вода да ги избањаме“, вели една изреволтирана мајка.
Пред пет месеци, на 6 неомври 2018 година, дел од тимот на ЦИВИЛ, заедно со тим од граѓански новинари, ја посети населбата Баир и оствари средба со градоначалничката на Битола, Наташа Петровска и директорот на ЈКП Водовод, Горан Козаров кои истакнаа дека знаат за тој проблем и се трудат да го решат.
Меѓутоа, и по пет месеци откако ЦИВИЛ објави за проблемите со кои се соочуваат баирчан(к)и, нема никаква реакција од локалните и централните власти.
Дали навистина Ромите во Баир се бројат и гледаат само како гласачка машинерија?!

Link: https://civilmedia.mk/zhitelite-na-bair-bitola-politicharite-na-ovie-izbori-nema-da-ne-izlazhat-so-vodata/?fbclid=IwAR0TZQmXQsYEF5N-4h9UPEbmzzlmP5PfI3zG3ZMm1tCtxJZYXo10qQRM9B0

Youtube:

Во градот Лом во Бугарија најдобрите фризери се Роми

Во малиот град на истокот во Бугарија Лом , жителите на тој град најмногу ги бараат услугите кај ромските фризери

Локалните ромски фризери со гордост ги покажуваат своите врамени ремек дела во своите салони. Иако од нив некои немаат ниту дипломи, тие велат дека благодарение на нивниот фризерски талент многумина токму кај нив доаѓаат за да си направат најнови фризерски модели.

Во овој 25 илијаден град во Бугарија мнозинството од Роми се локални фризери.

Според нив најголемиот процент од ромската заедница токму на овој начин го заработуваат својот леб.

Тие се задоволни од своите активности и воедно испраќаат пораки за похрабро развивање на претприемачкиот дух и кај останатите од ромската заедница.

Според нив на тој начин градејќи ја својата професионална кариера и локално се интегрираат во општеството.


Link: https://abcug.hu/batran-bizzak-a-frizurajukat-roma-fodraszokra-a-lomi-bolgarok/

 

Во Бугарија има случаи кога цели Ромски населби се преселија во Германија

Трен е дека има организирана миграција од Бугарија во Германија. Повеќе од 81.000 бугарски деца добиваат помош од германската држава, информира Нова ТВ. Според информациите, цели ромски населби од Бугарија заминуваат и се сместуваат во гетата во Дуизбург и Дортмунд.

Повеќе од 11.000 Бугари живееле од пристапувањето на Бугарија во Европската унија во Дуизбург. Тука се преселија цели населби од североисточна Бугарија. Она што ги привлекува е германскиот општествен систем. Слично на тоа, е во Дортмунд - сонот на жителите на Столипиновската област Пловдив - се чини дека е ист.

Детските додатоци се главната цел на луѓето кои го напуштаат Столипиново. Нивната висина во Германија изнесува околу 200 евра по дете. Условот е барем еден родител да работи на договор за 450 евра месечно или адреса за регистрација. Никој во Германија не може да каже дали постојат вистински луѓе зад бројот на деца регистрирани да добијат надоместоци.

Link: https://www.actualno.com/society/celi-romski-mahali-ot-bylgarija-se-iznesli-v-germanija-news_726092.html

FaLang translation system by Faboba

Сакам да речам

TV BTR NACIONAL

Momentalno Online

Имаме присутни 368 посетители кои го читаат ROMATIMES.NEWS

o Vakti

 booked.net

Најпопуларни

Golden Wheel - Entry Application Form

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот