Како една од информациите на ова предизборно време во Хрватска се појави и информацијата дека за преставник Ром во хрватскиот Сабор во изборната единициа 12 ќе се соочат Фрањо Хорват и Вељко Кајтази
„Во оваа изборна единица се бира еден саборски застапник за 12 национални малцинства (ромско, австриско, бугарско, германско, полско, романско, руско, турско, украинско, влашко и еврејско)„ – вели Хорват и додавадека ромското малцинство е најбројно.
Хорват е инаку претседател на Сијузот на хрватските Роми Бајаши и претседател на Одборот на ромското малцинство во Копривничката жупанија. Тој е Ром - Бајаш кој се 90% од севкупниот број на Роми во Хрватска.
„ Со повеќегодишните манипулации , Кајтази успеа оваа групација да ја држи во сенка и така што бајашкиот јазик потполно е заборавен „ Тој вели дека Кајтази веќе три мандата е во хрватскиот Сабор и никогаш не го користел бајашкиот јазик во своите обраќања.
Од 11.06.2020 година започна првата фаза со реконструкција и реновирање на 11 куќи на најзагрозените Ромски семејства во општина Виница.
Во рамките на проектот е предвидено да се реновираат вкупно 22 куќи кои се во најлоши и штетни услови за живеење. Во периодот што следува, како втора фаза ќе се реновираат уште 11 куќи.
Паралелно се работи активно на легализација на повеќе од 200 домови на ромски семејства кои се социјално загрозени и до сега не го решиле нивното прашање со домување.
Исто така се почнува и со постапка на донесување и на детален урбанистички план за блок 18 за целата ромска населба во општина Виница. Со ова, конечно ќе се реши долгогодишниот проблем со неизвезноста на домувањето на и инфраструктурата на повеќе од 700 ромски семејства во општина Виница.
Овие активности се спроведуваат во рамки на проектот „Обезбедување на пристојни услови за домување за ромската заедница во општина Виница -СДХ“ финансиски поддржан од Европската Унија. Проектот го имплементираат CELIM од Милано – Италија, Ромскиот Ресурсен Центар од Скопје, и општина Виница.
РРЦ заедно со своите стратешки партнери и понатаму ќе продолжи со залагање и работа за подобрување квалитетот на домување и живот на ромската заедница
Близу две третини или 64 % од добитниците на владините ваучери за помош поради коронавирусот се етнички Албанци, ова го покажува докуменот кој се појави на социјалните мрежи, а потекнува од владината електронска дата база.
Според инфографиката на Владата 16 проценти од добитниците се Македонци а по нив следуваат Роми со 11 %, Турци со 7 % и Бошњаци со 1 %.
Објавената инфографика покажува дека ниту еден Влав или Србин нема да добие картичка за ваучер од Владата.
Картички за ваучери треба да добијат околу 120.000 граѓани или приближно 75 илјади Албанци, 20 илјади Македонци, 13 илјади Роми, 9 илјади Турци и 1200 Бошњаци.
Владата најави дека вкупно 115 илјади граѓани ќе добијат ваучери за домашен туризам.
Во недела, за време на полициски час дваесетина припадници на интервентната полиција при нивната интервенција употребиле физичка сила врз бездомниците кои живеат под Железничка станица во Скопје. Бездомиците за ЦИВИЛ Медиа раскажаа дека еден бездомник кој не живее во тоа маало, дошол пијан кај нив и побара да му пуштат музика, за што реагираа жителите од околните згради.
„Кога дојде полицијата побараа да се изгасне музиката и ние веднаш ја изгаснавме, но лицето Харун, (кој инаку е познат на полицијата бидејќи често знае да прави проблеми и инциденти), почна да се расправа со полицајците и тие повикаа засилување. За неколку минути дојдоа околу 20 алфи, со пет-шест возила и без да прашат што се случува веднаш почнаа да нè удираат. Не бираа дали маваат мажи, жени, стари или деца“, вели бездомничката Сузана Демир, која се пожали дека има модринки на рацете од тепањето.
Емран Аслан сопругот на Сузана вели дека биле тепани за ништо, односно само затоа што пуштиле гласна музика за време на полициски час.
„Тоа што дојдоа полицајците да ни кажат да ја изгаснеме музиката беа во право и ние ја изгаснавме, но кога дојдоа алфите никого не прашаа ништо, само што излегоа од возилата веднаш почнаа да нè удираат, а нас мажите нè земале во полициска станица во Аеродром“, вели Аслан.
Останатите жители не сакале од страв да зборуваат пред камера, велат дека сега кога ќе слушнат и мачка или куче да тропне надвор тие се потресуваат, бидејќи мислат дека повторно дојдоа полицајците да ги тепаат.
Една мајка вели: „Детето од тој ден, среде спиење станува и почнува да плаче и се тресе од страв. Едвај го смирувам. Тука има десетина мали деца кои имаат трауми од тој ден, бидејќи плачеа, врескаа и бегаа да се скријат од полицијата“.
Еден тамошен жител кој не сакаше да зборува пред камера, вели: „Став ми е многу, се плашам повторно да не дојдат да нè тепаат. Нема кој да не заштити. Нема кому да се пожалиме“.
ЦИВИЛ Медиа побара одговор за овој случај од Министерството за внатрешни работи од каде ни одговорија дека на 07.06.2020 година околу 18,30 часот позади објектот на ПИОМ на кејот покрај реката Вардар, од полициски службеници од Полициската станица Аеродром, биле преземени мерки и активности по пријава од граѓанин за констатирани прекршувања на полициски час од група на граѓани кои биле собрани на јавно место и го нарушиле јавниот ред и мир со пушање гласна музика. Потоа пет лица, најпрво дрско се однесувале кон полициските службеници по што физички ги нападнале, а едно од нив фрлило со камен кон полициското комбе.
„Поради постоење основи на сомнение за сторено кривично дело „непостапување според здраствените прописи за време на епидемија“ и сторен прекршок „омаловажување на полициски службеник“, од слобода биле лишени А.Б.(27), А.М. (23), А.А.(30), Е.А.(30) и Х.Ј.(44), сите од Скопје. За омаловажувањето на полициските службеници, на петорицата лишени од слобода, поднесени им се записници за констатиран прекршок согласно член 13 од Законот за прекршоците против јавен ред и мир, додека поради непочитување на полицискиот час и препораките на Владата за справување со пандемијата на Ковид 19, со што е сторено кривично дело, по комплетирање на документацијата ќе им биде поднесена кривична пријава согласно член 206 од Кривичниот законик“, велат од МВР за ЦИВИЛ Медиа.
Инаку, на 4 јуни, три дена пред да се случи настанот со бездомните лица, техничкиот министер за внатрешни работи Наќе Чулев, остварил средба со претставници на неколку ромски невладини организации за како што вели разговарале за „говорот на омраза кон ромската заедница како марганализирана група во општеството, проблемот со децата на улица, семејното насилство...
Дали навистина МВР ќе застане во одбрана на најзагрозените, во случајот бездомниците Роми, или Ромите ќе се (зло)употребуваат само за „сликање“ пред избори?
