Близу две третини или 64 % од добитниците на владините ваучери за помош поради коронавирусот се етнички Албанци, ова го покажува докуменот кој се појави на социјалните мрежи, а потекнува од владината електронска дата база.
Според инфографиката на Владата 16 проценти од добитниците се Македонци а по нив следуваат Роми со 11 %, Турци со 7 % и Бошњаци со 1 %.
Објавената инфографика покажува дека ниту еден Влав или Србин нема да добие картичка за ваучер од Владата.
Картички за ваучери треба да добијат околу 120.000 граѓани или приближно 75 илјади Албанци, 20 илјади Македонци, 13 илјади Роми, 9 илјади Турци и 1200 Бошњаци.
Владата најави дека вкупно 115 илјади граѓани ќе добијат ваучери за домашен туризам.
Во недела, за време на полициски час дваесетина припадници на интервентната полиција при нивната интервенција употребиле физичка сила врз бездомниците кои живеат под Железничка станица во Скопје. Бездомиците за ЦИВИЛ Медиа раскажаа дека еден бездомник кој не живее во тоа маало, дошол пијан кај нив и побара да му пуштат музика, за што реагираа жителите од околните згради.
„Кога дојде полицијата побараа да се изгасне музиката и ние веднаш ја изгаснавме, но лицето Харун, (кој инаку е познат на полицијата бидејќи често знае да прави проблеми и инциденти), почна да се расправа со полицајците и тие повикаа засилување. За неколку минути дојдоа околу 20 алфи, со пет-шест возила и без да прашат што се случува веднаш почнаа да нè удираат. Не бираа дали маваат мажи, жени, стари или деца“, вели бездомничката Сузана Демир, која се пожали дека има модринки на рацете од тепањето.
Емран Аслан сопругот на Сузана вели дека биле тепани за ништо, односно само затоа што пуштиле гласна музика за време на полициски час.
„Тоа што дојдоа полицајците да ни кажат да ја изгаснеме музиката беа во право и ние ја изгаснавме, но кога дојдоа алфите никого не прашаа ништо, само што излегоа од возилата веднаш почнаа да нè удираат, а нас мажите нè земале во полициска станица во Аеродром“, вели Аслан.
Останатите жители не сакале од страв да зборуваат пред камера, велат дека сега кога ќе слушнат и мачка или куче да тропне надвор тие се потресуваат, бидејќи мислат дека повторно дојдоа полицајците да ги тепаат.
Една мајка вели: „Детето од тој ден, среде спиење станува и почнува да плаче и се тресе од страв. Едвај го смирувам. Тука има десетина мали деца кои имаат трауми од тој ден, бидејќи плачеа, врескаа и бегаа да се скријат од полицијата“.
Еден тамошен жител кој не сакаше да зборува пред камера, вели: „Став ми е многу, се плашам повторно да не дојдат да нè тепаат. Нема кој да не заштити. Нема кому да се пожалиме“.
ЦИВИЛ Медиа побара одговор за овој случај од Министерството за внатрешни работи од каде ни одговорија дека на 07.06.2020 година околу 18,30 часот позади објектот на ПИОМ на кејот покрај реката Вардар, од полициски службеници од Полициската станица Аеродром, биле преземени мерки и активности по пријава од граѓанин за констатирани прекршувања на полициски час од група на граѓани кои биле собрани на јавно место и го нарушиле јавниот ред и мир со пушање гласна музика. Потоа пет лица, најпрво дрско се однесувале кон полициските службеници по што физички ги нападнале, а едно од нив фрлило со камен кон полициското комбе.
„Поради постоење основи на сомнение за сторено кривично дело „непостапување според здраствените прописи за време на епидемија“ и сторен прекршок „омаловажување на полициски службеник“, од слобода биле лишени А.Б.(27), А.М. (23), А.А.(30), Е.А.(30) и Х.Ј.(44), сите од Скопје. За омаловажувањето на полициските службеници, на петорицата лишени од слобода, поднесени им се записници за констатиран прекршок согласно член 13 од Законот за прекршоците против јавен ред и мир, додека поради непочитување на полицискиот час и препораките на Владата за справување со пандемијата на Ковид 19, со што е сторено кривично дело, по комплетирање на документацијата ќе им биде поднесена кривична пријава согласно член 206 од Кривичниот законик“, велат од МВР за ЦИВИЛ Медиа.
Инаку, на 4 јуни, три дена пред да се случи настанот со бездомните лица, техничкиот министер за внатрешни работи Наќе Чулев, остварил средба со претставници на неколку ромски невладини организации за како што вели разговарале за „говорот на омраза кон ромската заедница како марганализирана група во општеството, проблемот со децата на улица, семејното насилство...
Дали навистина МВР ќе застане во одбрана на најзагрозените, во случајот бездомниците Роми, или Ромите ќе се (зло)употребуваат само за „сликање“ пред избори?
Фондацијата Шварцкопф Млада Европа, заедно со Европскиот младински форум, секоја година ја доделува наградата „Млад Европеец на годината“ на млада личност која покажа особено силна посветеност на Европа на солидарност. Оваа година победничка е Марија Атанасова е од Бугарија и се бори за поголема видливост и учество на младите Роми.
Од 1997 година, наградата им помага на младите Европски посветени со наградни пари од 5.000 евра за стажирање во европска институција или да создадат свој проект. Наградата им се доделува на млади лица кои се посветени на европската интеграција и интеркултурно разбирање.
Марија Атанасова (23) е наградена како млада Европејка за 2020 година за нејзините напори за зголемување на видливоста на младите Роми. На 23-годишна возраст, таа е веќе менторка која поддржува деца и млади од ромската заедница и е член на Младинската волонтерска мрежа на Ромите.
Како млада Ромка во Бугарија, Марија доживеа дискриминација уште од рана возраст. „Ромските жени честопати се сместени во одделни породилишта - одделени од жени кои не се Роми. Дискриминацијата врз Ромите започнува буквално од раѓање “, објаснува студентката по акушерство.
„Како млада Ромка, верувам во мојата заедница и во фактот дека младите Роми се меѓу оние што прават разлика. Взаемната поддршка во рамките на нашата заедница е патот до социјалните промени. Задоволство ми е што сум почестен како млад Европеец на годината и би сакал да ја искористам наградата за да ги направам видливи Ромите и особено младите Роми во Европа “, вели добитникот на оваа награда.
Листата е објавена на веб-страницата kupuvamdomasno.gov.mk, а направена е врз основа на податоците од Управата за јавни приходи, Агенцијата за вработување, електронските дневници во средните училишта и податоците од државните универзитети.
Граѓаните што имаат право на државна помош се поделени во четири групи.
Во првата група се 115.927 граѓани, кои треба да добијат по 9.000 денари на картичката. Тоа се граѓани со низок доход, приматели на социјална помош и невработени, кои се активни баратели на работа регистрирани во Агенцијата за вработување до 22 мај и лани не оствариле доход поголем од 180.000 денари, а во првите четири месеци од годината немаат примања поголеми од 60.000 денари.
Во втората група се вработени со ниски плати. На листата се вкупно 117.144 лица. Тие ќе добијат по 3.000 денари еднократна помош, а ќе добијат и ваучер за туризам од 6.000 денари.
Третата група се млади со наполнети 16 години, не постари од 29 години, активни ученици или студенти на државните универзитети. Тие ќе добијат платежна картичка со три илјади денари, а на листата се ставени 87.014 лица.
Во четвртата група се 4.934 здравствени работници, кои како награда за лекување на заболените од коронавирусот ќе добијат 40 отсто од платата.
Картичките се печатат и до крајот на неделава треба да почне нивното доставување. Тие треба да им бидат доставени на корисниците најдоцна до 18 јули, а средствата треба да се искористат најдоцна до 15 август.
