Даниела Абрахам: Антирмското насилство од моето детство сè уште се случува во Централна Европа
Кога имав 10 години, живеев во мојата родна земја Словачка, бев застрелана во левата страна на градите од сосед расист, кој претходниот ден ми рече: „Ќе те пукам, ти валкана Циганко ! " Тој ме стрелаше со револверот додека одев накај дома од училиште со мојот помал брат.
Се сеќавам на болката премногу добро и сè уште имам лузни од овој настан децении подоцна. Со месеци по овој напад, се плашев да ја напуштам куќата.
Пред неколку дена, кога ги видов, преку социјалните мрежи, сликите на Танде Будаи, Ромка од Торокзентмиклос во Унгарија, која беше нападната и сериозно повредена од луѓе полни со омраза и расизам, се чувствував дека морав да ја контактирам. Таа ми ја раскажа нејзината приказна и јас направив видео-вест со неа од моето „домашно студио“.